Tushda tog' ko'rsa nima bo'ladi

TOG‘ (KO‘H) Doniyol (a.s.)ning aytishlaricha, tushida o‘zini baland tog‘ ustida ekanini va bu tog‘ o‘zining mulki ekanini ko‘rsa, bir ulug‘ kishi uni o‘z himoyasiga olishiga dalildir. Tushida tog‘ni o‘z joyidan qo‘porib yuborganini ko‘rsa, birulug‘ odamga qahr qilishiga dalildir. Tushida toqqa joylashib olganini ko‘rsa, bir ulug‘ odamdan izzat va ulug‘lik topishiga dalildir. Ba’zi ta’birchilarning aytishicha, toqqa qiyinchilik bilan chiqib borayotganini ko‘rsa, g‘am va anduh tortishiga dalildir. Tushida tog‘dan pastga tushganini ko‘rsa, uning izzat va obro‘yiga nuqson yetishini bildiradi. Agar tog‘ cho‘qqisiga joylashib olganini ko‘rsa podshoxdan hurmat topishi va uning yaqiniga aylanishiga dalildir.

Ibn Sirin (r.a.)ning aytishicha, tog‘ ustida namoz o‘qiyotganini yoki azon aytayotganini tush ko‘rsa, ishlari yaxshi bo‘lishiga dalildir.
Mag‘ribiy (r.a.)ning aytishicha, tushida tog‘ ustiga yoki ko‘shk ustiga chiqqanini ko‘rsa, maqsadiga yetishni bildiradi. Agar pastga tushganini ko‘rsa, yuqoridagining aksidir. Agar tushida tog‘ etagiga yiqilib tushganini ko‘rsa, g‘amgin bo‘lishiga dalildir. Agar tog‘ etagida namoz o‘qiyotganini ko‘rsa, dinga mos keladigan ish qilishiga dalildir. Tushida tog‘da podshoh odamlari o‘zi bilan birga ekanini ko‘rsa, podshoxdan hurmat topishiga dalildir. Tushida tog‘ning silkinganini, so‘ng tinchib qolganini ko‘rsa, bir ulug‘ odamdan ranj ko‘rib, so‘ng shifo topishini bildiradi. Tushida tog‘ni kavlayotganini va uni kavlash o‘zi uchun oson kechayotganini ko‘rsa, tez orada hadya topishiga dalildir.

Tushida tog‘ni tuproqdan ekanini ko‘rsa, bir xasis odamdan biror narsa tama’ qilishini bildiradi. Agar tushida Ko‘hi Qof ustida o‘tirganini ko‘rsa, ajali yaqin qolganiga dalildir. Tushida Sino tog‘i ustida ekanini ko‘rsa, podshohning unga ishonchi borligi va murodi hosil bo‘lishiga dalildir. Tushida Arafot tog‘i ustida ekanini ko‘rsa, tavba qilishi va gunoxdan pushaymon bo‘lishiga dalildir. Tushida Lubnon (Livan) tog‘i ustida ekanini ko‘rsa, olimlar va solih kishilar bilan suhbatdosh bo‘lishiga dalildir. Tushida qorong‘i tog‘ ustida turganini ko‘rsa, o‘lim xavfi borligiga dalildir. Tushida yorug‘ tog‘ ustidaligini ko‘rsa mol topishiga dalildir.

Ismoil Apgas (r.a.)ning aytishicha, tushida bir xarob tog‘ ustida ekanini, toshlar dumalab yotganini va qiyinchilik bilan yurib ketayotganini va o‘q otayotganini ko‘rsa, zolim podshoxdan unga xavf borligiga dalildir. Tushida ikkita tog‘ orasidan ketayotganini va o‘q otayotganini ko‘rsa, ikki ulug‘ odam orasida vositachilik qilishini bildiradi. Tog‘da teshik borligini va shu teshikka kirganini ko‘rsa, podshoh sirlaridan xabardor bo‘lishni bildiradi. O‘sha teshikdan nimanidir olib chiqqanini ko‘rsa, o‘sha podshoxdan hadyalar topishini bildiradi.

Hofiz Muabbir (r.a.)ning aytishichag tushida tog‘ ustiga chiqib ketayotganini ko‘rsa, ulug‘ bir odamning ishi bilan mashg‘ul bo‘lishini bildiradi. Tushida birov tog‘dan toshlarni olib, har joyga otayotganini, bu esa ularni olib, joyiga qo‘yayotganini ko‘rsa, molni kuch bilan yig‘ishiga dalildir. Tushda tog‘ni quchog‘iga olganini ko‘rsa, o‘zini bir ulug‘ odam yetkazishini va undan xayru manfaat ko‘rishini bildiradi. Tushida tog‘dan pastga qulab ketganini ko‘rsa, murodi hosil bo‘lmasligini ko‘rsatadi. Tushida gaj va pishiq g‘ishtdan narvon qurganini va u orqali tog‘ ustiga chiqayotganini ko‘rsa, maqsadi tez kunda hosil bo‘lishini bildiradi. Agar o‘sha narvonning loy va xom g‘inggdan ekanini ko‘rsa, yaxshiroq bo‘ladi, agar misdan bo‘lsa yomon bo‘ladi, agar bronzadan bo‘lsa, murodi hosil bo‘lmaydi. Agar tog‘ ustida tik turganini ko‘rsa, podshohning xos yaqiniga aylanishi va mol topishiga dalildir.

Ja’far Sodiq (r.a.)ning aytishicha, tushda tog‘ni ko‘rish besh narsani bildiradi: podshohlikni; dabir (kotib)likni; zafarni; balandlikni; raislik topishni