Grippdan himoyalanish uchun juda foydali tavsiyalar

Grippdan himoyalanish uchun juda foydali tavsiyalar

Kuz – infeksion va o‘tkir respiratorli kasalliklar mavsumi. Bu paytda salomatlikda muammo kuzatilmasligi uchun immunitetni mustahkamlash va gigiyena qoidalariga rioya qilish zarur. Infeksiya va viruslar havo tomchi yo‘li orqali yuqqani bois ham mazkur tavsiyaga amal qilish shart.

Yuzingizga teginmang — Yuvilmagan qo‘llarda virus bo‘lishi va qo‘lni yuzga olib borganda organizmga kirishi mumkin. Qo‘llarni yuvmasdan yoki toza salfetkasiz yuzingizga tegina ko‘rmang.

Qo‘llaringizni tez-tez yuvib turing — Qo‘lni faqat ko‘chadan kelgandan keyin yoki ovqatdan avval yuvish kerak, degan tushuncha bugungi kunga kelib o‘zgardi va mutaxassislar tomonidan qo‘llar tez-tez sovun bilan yuvib turilishi yoki sanitayzerdan foydalanish tavsiya qilinadi.

Tiniqib uxlang — Uxlash nafaqat ahvolingiz yaxshilanishi, balki organizm virus bilan kurashishi uchun ham muhim. Tiniqib uxlaganda immun sistemasi yaxshi ishlaydi.

Meva va sabzavotlarni iste’mol qiling — Vitamin va foydali moddalarga boy ekani sabab ham immunitetni mustahkamlash uchun sabzavot va mevalarni kanda qilmaslik tavsiya etiladi.

Grippga qarshi emlaning — Har yili grippning turli shtammlari paydo bo‘layotgani sabab mutaxassislar vaqtida mazkur kasallikka qarshi emlanish kerakligini tavsiya qiladi. Ammo o‘zboshimchalik qilmaslik, shifokor maslahatiga binoan amalga oshirish kerak.

Bemorlar bilan ijtimoiy masofa saqlang — 1,5-2 metr masofa saqlash qoidasi bu yilda har qachongidan ham ahamiyatliroq. Kasallik alomatlari bor yoki bemor insonlarga iloji boricha yaqin bormaslikka harakat qiling.

Sport bilan shug‘ullaning — Jismoniy mashqlar organizm va a’zolar faoliyati, xususan, immun sistemasi uchun ham foydali sanaladi. Buning uchun og‘ir mashqlarni bajarishga hojat yo‘q. Shunchaki har kuni toza havoda sayr qilishning o‘zi kifoya.

Taom va ichimlikni shaxsiy idishingizda iste’mol qiling — Ishxona yoki uyda o‘zingizning shaxsiy tarelka, finjon va sanchqingiz bo‘lsin. Har doim ishlatishdan avval qaynoq suvga chayib, keyin ishlating.

Xudbin bo‘lmang, boshqalarni ham o‘ylang — Shamollagan yoki kasallangan bo‘lsangiz, uydan chiqmang. O‘zingizni yaxshi his qilsangiz ham, niqob taqib yuring, aksirmoqchi bo‘lsangiz, niqob bo‘lmasa atrofdagilarga virus tarqatmaslik uchun chetga qarab, tirsakning ichki qismi bilan og‘zingizni yoping.

Matodan tikilgan sumka va hamyonlardan foydalanmang — Matodan tikilgan sumka va hamyonlarni mikroorganizmlardan tozalash qiyin bo‘lgani sabab ham charm matosidan tikilganiga e’tibor qaratish tavsiya qilinadi.



O'hshash ma'lumotlar

Emlash – turlari, o‘tqazilish tartibi, emlash kalendari va qarshi ko‘rsatmalar

Vaksinatsiya (emlash) – bu sun’iy immunitet hosil qilish bo‘lib, organizmga patogen mikroorganizmlarning antigenini yuborib, kasallik chaqiruvchi infeksiyalardan himoyalanish usulidir. Organizmga mikroorganizm antigenini yuborgandan keyin unga...

Ovqat allergiyasi sabablari va davolash sirlari

Oziq-ovqat allergiyasi – organizmning ba’zi mahsulotlar tarkibiga kiruvchi komponentlarga immun reaksiyasi. Odatda bolalar, xususan emizikli go‘daklar bu xastalikdan aziyat chekadi. Kattalarda ovqat allergiyasi kamroq uchraydi. Allergiyaning xatarli...

Dyufaston – qoʻllash boʻyicha yoʻriqnoma (Mutaxassislar uchun)

Dyufaston tarkibi1 tabletka quyidagilarni saqlaydi: faol modda: 10 mg didrogesteron; yordamchi moddalar: laktoza monogidrati, gipromelloza, makkajoʻxori kraxmali, suvsiz kolloid kremniy dioksidi, magniy stearati. qobigʻi: oq Opadri OY-1-7000...

Bolalarda ich ketishi (diareya) sabablari va davolash sirlari

Diareya – najasning suyuq hamda bir kunda 2 martadan ko‘p marotaba kelishi. Bu holat axlat massasining ichaklardan tez harakatlanib o‘tib ketishidir. Diareya – najasning suyuq hamda bir kunda 2 martadan ko‘p marotaba kelishi. Bu holat axlat...

Homiladorlikda oshqozon og‘rishi sabablari, davolash va oldini olish sirlari

Har bir ayol kishi homiladorlik vaqtida oshqozon og‘rishini boshidan kechirgan. Bu kabi noxush holat homiladorlikning erta muddatlarida ham kech muddatlarida ham kuzatilishi mumkin. Homiladorlikda qorinning har qanday sohasida kuzatiladigan kuchsiz...



Fikr qo'shish

Наверх