Onamning o‘gitlari

Sut qaynatayotganda qozoningga bitta qoshiq solib qo‘y, sut toshib ketmaydi. 
-
Qolgan ovqatni hech qachon alyumin idishda saqlama. 
-
Elanmagan undan xamir qorma, jigar tiqilishi shundan, bolam. 
-
Suvni tindirib ishlat, tagidagi cho‘kmasi toshga aylanadi buyrakda. 
-
Guruchni uvitishdan avval obdon o‘ylagin, bu qachongi guruch? Eski yilnikimi, yangisimi? 
Eski guruch ko‘proq suvda turadi, ezilmaydi, palovi tanaga rohat, yangi guruch oz suv ichadi, tezda ezilishi mumkin. Uvitganingda ozroq tuz sepishni unutma,  bir donasi ham uvol bo‘lmasin. 
Yuvayotganda silab, suvini bir taraflama to‘k, keyin bu tarafidan oqiz. 
-
Guruchni tovoqqa solib yaxshilab yelpisang,  yaltirab pishadi ovqating.
-
Palovni sariq sabzidan tayyorla, qizili chiroy beradi,  suvi kam. 
-
Sholg‘omni ta’mi yoqmasa ham sho‘rva  bn mastavaga solgin, balg‘amni davosi, o‘pkani tozalovchisi u. Ayniqsa  qovurilgan mastavada. 
Kubik qilib  to‘g‘rab, qizil sabzi bn barobar solgin qozonga. 
Sho‘rvaga esa qaynatganda foydasi ko‘proq. 
-
Turupni mayda, ko‘m-ko‘k ranglisini tanlagin, qarsillab tursin. Agar lag‘mon, ganpan qilsang, turupni somoncha shaklida to‘g‘ragin, ignadan o‘tadigan ingichka bo‘lsin, issiq suvga solib, tuz sepib, bir chetga olib qo‘y. 
-
Palovga esa yirik to‘g‘rab, suvga solib keltirgin. 
Yo‘talni davosi, buyrakni ham tozalaydi. 

-
Piyozni o‘rtachasini olgin, qizil piyozni qirsildoq po‘stini tashlamay, ajratib to‘plab, sochingni yuvsang, qazg‘oq tushmaydi. Bosh terlamaydi. 
Qizil piyozni qizartirsang, ovqatingga rang beradi, ammo kuydirib yuborsang, oshqozonga, ichakka yopishib qoladi. 
-
Pomidorni iloji boricha po‘stini archib tashlagin ovqatga solsang. 
Pomidorni kesganingda e’tibor  bergin, o‘rtasida oqargan joyi bo‘lsa, kesib tashla, dori u, selitra. 
Koni ziyon organizmga. 
-
Bulg‘ori qalampirni kesganingda uzun, somoncha shaklida  kessang, salatingga foyda, kubik qilib  kessang, ovqating mazasi boshqacha bo‘ladi.Bulg‘ori qalampirni  ko‘kidan ko‘proq xom yegan odamni yurak qon tomirlari kengayib, qon aylanishi yaxshilanadi. 
-
Kartoshkani qishda ko‘proq yeyish kerak, kraxmal bor tarkibida. 
-
Samsoqpiyozni uzmagin ro‘zg‘ordan. 
Og‘riyotgan tishingga kesib bossang, og‘riq bosiladi. 
-
Sho‘rva qilmoqchimisan? 
Qaynayotgan suvga go‘sht  solma, xom suvga solsang, ham suvi, ham go‘shti shifoli pishadi. 
Qaynayotgan suvga go‘sht solsang, sho‘rvani rangi xiraroq  bo‘ladi, mazasi ham boshqacha. 
-
Muzlagan go‘shtdan sho‘rva  qilmagin. 
-
Lag‘monni qaynab turgan namakobli suvga tashlagin, suv yuziga suzib chiqdimi, rangi biroz sarg‘ayib, tamom, pishgani shu. 
Cho‘zma lag‘monni nazarda tutdim, suzib ol.Agar mehmon kutayotgan bo‘lsang, lag‘monni sovuq suvda yuvma, chovlida suzib, taxta ustiga yoyib tashlab, biroz yog‘ ber. 
Yaltirab turadi, ham yopishmaydi. 
-
Lag‘monni xamirini hamisha sovuq suvga qorsang, kokilday bo‘ladi. 
-
Tindirilgan xamir- taomi mazali bo‘ladi. 
-
Ko‘katlarni doim avval tog‘orachaga sovuq suvga  ikki, uch qoshiq tuz solib, qoldirgin, 10-15daqiqa. 
Keyin  yaxshilab yuvib tashlasang, ziyonmas, rohatijon bo‘ladi. 
-
Rayhon,jambil,shivit hammasidan qishga ham xuddi shunday tozalab,quritgin.
Qurigach,ichiga qora yalpiz qo‘shib saqlagin,qurt tushmaydi,mog‘orlamaydi.-
Qishga yopayotgan bankalaringni iloji boricha oftobda quritgin.
Pomidor,bulg‘or qalampiri,bodring,hammasini sovuq suvni oqizib qo‘ygin.
Keyin ikra yopsang,otilmaydi,ezilmaydi,bolam.
Ezilgan pomidor,bulg‘orilardan qoqi solgin.
Baliq pishirganda, yeganda albatta tezda qo‘lni yuvishni o‘rgat, baliq yog‘i soch, kiprik, qoshni oqartirib yuboradiya. 
-
Go‘shtni  taxtakachga qo‘yganingda e’tibor  berib qaragin,  chiziqlari bor, o‘sha chiziqlari ko‘ndalang tushsin to‘g‘raganingda.-
Har qanday go‘shtni  albatta  avval yuvib keyin  ishlatishni odat qil. 
-
Oshxonaga boshingda ro‘moling, oldingda fartug‘ing bilan tahoratli kirgin.Erning topib kelgan halol  risqinglarni pok tayyorlash seni qo‘lingda. 
Tahoratli  tayyorlangan taomga shayton ziyon qilolmaydi. 
Tahoratsiz tayyorlangan taomni qozoni chetida shayton o‘tiradi peshob qilib ketarmish... 
Zaharlanish, qusish shundan bo‘ladi, bolam.