FARZAND KO‘RISH ERKAK VA AYOLNING YOSHIGA BOG‘LIQMI?

Katta yoshli ayollarga tug‘ish maslaxat berilmaydi. Chunki ularda tug‘ruq xavfli kechishi, shuningdek, kutilmagan muammolar yuzaga kelish extimoli yuqori bo‘ladi.

   Ayollar uchun 20-35 yosh oralig‘idagi davr farzandli bo‘lish uchun eng yaxshi payt hisoblanadi. Shuning uchun ayol farzandlarini dunyoga keltirishni rejalashtirayotganda, albatta, o‘z yoshini inobatga olishi zarur.

   Erkak kishi necha yoshgacha farzand ko‘rishi mumkin, degan savolga esa mutlaqo boshqacha javob beriladi. Masalan, yigitlarda urug‘don 13-14 yoshdan boshlab spermatozoidlar ishlab chiqara boshlaydi. Aniqrog‘i, erkak shu yoshdan boshlab ota bo‘lishga qodir hisoblanadi (ammo farzandli bo‘lishda yigit nikoh yoshiga yetishi kerak). Bu xususiyat erkak umrining oxirigacha davom etadi. Shuning uchun bo‘lsa kerak, avvallari Yetmishboy, Saksonboy, To‘qsonboy ismli farzandlar dunyoga kelgan.
   Olimlarning olib borgan tadqiqotlari davomida shu narsa ma’lum bo‘ldiki, erkak vafot etgandan keyin undagi ota bo‘lishga qodir jarayon birdaniga emas, asta-sekin to‘xtar ekan. Shuning uchun ham erkaklarga nisbatan kuchli jins vakili deya ta’rif beriladi.

   Xulosa qilib aytganda, ayollarning farzand ko‘rishlarida ularning yoshlari inobatga olinadi. Erkaklarning farzand ko‘rishlari uchun yosh ahamiyatsiz. To‘qson yoshga kirgan erkak ham ota bo‘la oladi.