MIOMA QANDAY TASHXISLANADI❓

— Ultratovush tekshiruvi juda kichkina (1-2 sm) tugunlarni ham aniqlay oladi hamda bachadon miomasi tugunlarining turi, joylashgan joyi, o‘lchami va shakli haqida ko‘proq ma’lumotlar beradi. Bordi-yu mioma tugunlari bachadonning kattalashishi va deformatsiyasiga olib kelsa, unda bimanual (ikki qo‘l bilan) ginekologik tekshirish bilan tashxislash mumkin. Bunda mioma o‘lchamlari homiladorlik haftalari bilan belgilanadi. 
Ayol shifokorga murojaat etgan paytida quyidagilar haqida aytib berishi zarur:

✅ shikoyatining qachon boshlangani va qanchalik uzoq davom etayotgani;

✅ oldin jarrohlik amaliyoti bajarilgani;

✅ nasliy moyillik (oiladagi biror qarindoshda ushbu kasallik bilan og‘riganlar bo‘lganmi?);

✅ boshqa kasalliklar bo‘lgan taqdirda doimiy ravishda qabul qiladigan dori vositalari to‘g‘risida.

Kezi kelganda aytish kerakki, o‘rtacha hisoblaganda, ayollar shifokorga kasallikning ilk belgilari paydo bo‘lgandan 5 yil keyin murojaat etishadi. Shu bois har bir ayol vaqti-vaqti bilan turli shifokorlar ko‘rigidan o‘tib tursa, kasalliklarning oldini olish va davolash oson kechadi.