МИОМА ҚАНДАЙ ТАШХИСЛАНАДИ❓

— Ультратовуш текшируви жуда кичкина (1-2 см) тугунларни ҳам аниқлай олади ҳамда бачадон миомаси тугунларининг тури, жойлашган жойи, ўлчами ва шакли ҳақида кўпроқ маълумотлар беради. Борди-ю миома тугунлари бачадоннинг катталашиши ва деформациясига олиб келса, унда бимануал (икки қўл билан) гинекологик текшириш билан ташхислаш мумкин. Бунда миома ўлчамлари ҳомиладорлик ҳафталари билан белгиланади. 
Аёл шифокорга мурожаат этган пайтида қуйидагилар ҳақида айтиб бериши зарур:

✅ шикоятининг қачон бошлангани ва қанчалик узоқ давом этаётгани;

✅ олдин жарроҳлик амалиёти бажарилгани;

✅ наслий мойиллик (оиладаги бирор қариндошда ушбу касаллик билан оғриганлар бўлганми?);

✅ бошқа касалликлар бўлган тақдирда доимий равишда қабул қиладиган дори воситалари тўғрисида.

Кези келганда айтиш керакки, ўртача ҳисоблаганда, аёллар шифокорга касалликнинг илк белгилари пайдо бўлгандан 5 йил кейин мурожаат этишади. Шу боис ҳар бир аёл вақти-вақти билан турли шифокорлар кўригидан ўтиб турса, касалликларнинг олдини олиш ва даволаш осон кечади.