Sinfdoshlar yig‘ilmadi

Armon, azob yuraklarni tilib-tilib,
O‘tiray deb qancha she’rlar tug‘ilmadi.
Gruppada yozuvlarni ko‘rib-ko‘rib,
Yig‘ilay deb sinfdoshlar yig‘ilmadi!

Deydi uyda qiladigan ishlarim bor,
Og‘rib turgan: boshim, yurak, tishlarim bor,
Intiq kutgan bahor, kuzak, qishlarim bor,
Yig‘ilay deb sinfdoshlar yig‘ilmadi!

Kimdir qarar bolasiga ertayu kech,
Tugamaydi ro‘zg‘orining tashvishi hech,
Qo‘rda shashlik pishmayapti, sovidi pech,
Yig‘ilay deb sinfdoshlar yig‘ilmadi!

Oqibat ham parcha-parcha bo‘lib ketdi,
Umri tugab qancha inson o‘lib ketdi,
Diydorlari qiyomatga qolib ketdi,
Yig‘ilay deb sinfdoshlar yig‘ilmadi!

To‘y ham o‘tdi bir soatlik to‘yxonada,
Oshlar sovib qolibdiku choyxonada,
Hech bo‘lmasa dardlashay deb mayxona,
Yig‘ilay deb sinfdoshlar yig‘ilmadi!

Armonim ham satrlarga ko‘chib ketdi,
Qaldirg‘och ham, qarg‘alar ham uchib ketdi,
Mumtozbegim so‘zlay-so‘zlay o‘chib ketdi,
Yig‘ilay deb sinfdoshlar yig‘ilmadi!

2-06-2026, 20:51 17

O'hshash ma'lumotlar

Alisher Navoiy (1441-1501) - buyuk shoir va mutafakkir, davlat arbobi. Toʻliq ismi Nizomiddin Mir Alisher. U chagʻatoy (eski oʻzbek tili)dagi asarlarda ham, fors tilida ham (forscha asarlarda) Navoiy taxallusi bilan sheʼr yozgan. U G‘arbda Chag‘atoy...

Zahiriddin Muhammad Bobur — buyuk oʻzbek shoiri, mutafakkiri, tarixchi va davlat arbobi; Boburiylar sulolasi va imperiyasining asoschisi. Boburning ilmiy asarlari ichida aruzning sharqiy metrikalari nazariyasini tadqiq qiluvchi «Aruz haqida risola»...

LA’NATLASH, QARG‘ASH, NAFRATLANISH (NAFRIN) Ibn Sirin (r.a.)ning aytishicha, tushida bir zolim odamni la’natlayotgani yoki qarg‘ayotganini ko‘rsa, o‘sha zolim ustidan zafar qazonishiga dalildir. Tushida o‘zining zolim ekanini va mazlum uni...

QALDIRG‘OCH (PARASTU) Ibn Sirin (r.a.)ning aytishicha, agar bir kishi qaldirg‘ochi borligini yoki kimdir qaldirg‘och berganini ko‘rsa, ayrilishib ketgan kishisi bilan qayta topishishini bildiradi. Agar tushida qaldirg‘ochni o‘ldirganini yoki...

QORAQARG‘A (ZOG‘) Ibn Sirinning aytadiki, tushdagi qarg‘a fosiq, dini buzuq hamda ishlarda yolg‘on gapiruvchi kishiga dalildir. Tushida qarg‘ani tutib olganini yoki birov unga berganini ko‘rsa, yuqorida aytilgan sifatli kchshi bilan uchrashuvi va...