Шукур қили

Нолимоқлик гуноҳдир, 
Бир зум ўйлаб, фикр қил, 
Кўзларингла дунёни,
Кўрганингга шукур қил.

Кимлар қўлтиқ таёқда,
Қалби алам, фироқда,
Соғлом икки оёқда,
Юрганингга шукур қил.

Ризқинг тилаб фалакдан,
Қолма орзу,тилакдан,
Бугун юрак,юракдан,
Кулганингга шукур қил.

Ғийбатга кетма қониб,
Яшагин ҳақ деб ёниб,
Тонг,саҳарлар уйғониб,
Турганингга шукур қил.

Қалбингда бўлсин иймон,
Омонат кўксингда жон,
Тириксан, давру даврон,
Сурганингга шукур қил.

Яшама ёлғонда кам,
Яхшиларга бўл ҳамдам,
Экканинг не бўлса ҳам,
Ўрганингга шукур қил.

Дейдилар дунё бир кам,
Ким мағрур,ким боши ҳам,
Дўстлар ила жамул жам,
Бўлганингга шукур қил.

Ўтар шошиб умрлар,
Ўткинчидир ҳузурлар,
Гуноҳингга узрлар,
Сўрганингга шукур қил.

Бир бандасан бил ҳар он,
Эмассан кўкка нарвон,
Бугун ҳазрати инсон,
Бўлганингга шукур қил.

Вчера, 10:20 8

Ўҳшаш маълумотлар

Yurak nihoyatda murakkab va hayotiy organ bo'lib, inson tanasida muhim rol o'ynaydi. Ushbu maqolada biz yurak va uning funktsiyalari haqida ba'zi qiziqarli faktlarni ko'rib chiqamiz....

Авиценна - ўрта асрларнинг ажойиб олими, шифокори, файласуфи, шоири, мусиқачиси....

БОШ (САР) Дониёл алайҳиссаломнинг айтишларича, тушдаги бош гуруҳ бошлиғидир. Агар тушида кесилган бошни кўрса, дўст ва раҳбар бўлишига, уни хоҳлашларига ва ундан бошқалар хайру манфаат топишига далилдир. Агар боши ҳеч захмсиз танидан жудо бўлганини...

НАРВОН, ШОТИ (НАРДБОН) Ибн Сирин (р.а.)нинг айтишича, тушида нарвондан юқори кўтарилганини, нарвон лой ва ғиштдан эканини кўрса, яхшилик ва созликка, динининг зиёда бўлишига, эзгуликка етишига далилдир. Агар нарвон тош ва оҳакдан эканини кўрса,...

ҚЎЛТИҚ (БАҒАЛ) — Ибн Сирин (р.а.)нинг айтишича, тушда қўлтиқ кўрмоқ туш эгасига етадиган маломат ва нохушликдир. Қўлтиқ юнгги мақсадга етмоқ ва душманга ғолиб бўлмоқни билдиради....