Вафот этган инсон тушига нима учун киради

Хар бир иссиқ жон борки, омонатни топширади. Ичимизда, яқинларидан айрилганлар кўп ва уларнинг тушига, бу дунёдан вафот этган яқинлари кирганлар хам бўлса керак. Хеч сизда ушбу холат бўлганми? Нима учун мархумлар, ўз яқинларининг тушига кириб, уларни безовта қилади? 

Қурондаги Юсуф сураси бошидан оёғигача туш кўришдан бошланиб туш кўриш билан тугайдиган сурадир. Пайғамбаримиз С.А.В тушнинг табири ҳақида кўплаб ҳадислар айтганлар. 

Туш 3 ҳил бўлади: 
•шайтоний тушлар
•башорат ва ишорат тушлар

•инсон кўп ўйлаган нарсасини тушида кўриши

Ёмон туш кўрган одам уйғониб кетгандан кейин чап тарафга уч марта туфлайди. Аллоҳдан паноҳ сўраб тушини ҳеч кимга айтмайди.

Яхши туш кўрган одам тушини ахли илмга ёки яхши кўрган одамига айтиши мумкин. Чунки у одамлар тушни яхши томонга таъбир қиладилар. 

Тушни ҳақиқийси башорат бўладигани хисобланади. Бунда киши таҳорат билан уҳлаган бўлиши керак, ўйламаган нарсаси тушига кирса, кун билан тун оралари яқин вақтда кўрса анашу тушлар таъбирга лойиқ тушлар ҳисобланади.

Марҳумлар билан тушлар ҳақида келган хадисларни кўриб чиқамиз: 

•Ибн Умар розияллоху анхумодан
ривоят қилинади: «Набий соллаллоху алайхи васаллам: «Бир сочи ёйилган қора хотиннинг Мадинадан чикиб, Махямага Жухфага бориб турганини кўрдим. Буни Мадинанинг вабоси унга кўчирилганига таъвил килдим», дедилар». Шарх: Тушда кўрилган сочи ёйилган аёл киши хам яхшилик аломати бўлмас экан. Унинг ранги қора булса, яна хам ёмон экан.

«Хадийжа Расулуллох соллаллоху алайхи васалламдан Варака ибн Навфал хакида сўраб: «у сизни тасдиқлаган эди. Аммо юзага чикишингиздан олдин вафот этди», деди. Шунда соллаллоху алайхи васаллам: «Мен тушимда унинг оқ кийимда юрганини кўрдим. Агар у ахли дўзахдан булганида, кийими ундан бошқача булар эди», дедилар».
Шарх: Тушни таъбир қилишда унда кўрилган кийимлар хам ахамиятга эга эканлигини шу хадиси шарифдан билиб оламиз.

Набий соллаллоху алайхи васаллам: «Ким мени тушида кўрса, ҳақиқатда мени курган булади. Чунки шайтон менинг қиёфамга кира олмайди», дедилар. Икки шайх ва Термизий ривоят қилганлар. 
Шарх: Пайғамбар алайхиссаломнинг бу гапларидан ким у зотни тушида кўрса, хакикий туш кўрган булиши, шайтон у кишининг шаклига кириб, одамларнинг тушига кира олмаслигини билишимиз мумкин.  Аслида шайтонлар турли шаклларга кириш қобилиятига эга.
Бинобарин, улар турли шахслар шаклида одамларнинг тушларига хам кириши мумкин. Аммо Пайгамбар алайхиссаломнинг шаклига киришлари мутлақо мумкин эмас экан. Шунинг учун ким тушида Пайгамбар алайхиссаломни кўрса, хақ тушни кўрган булар экан.

Батафсил маълумотни Шайхимизнинг “Ҳадис ва Ҳаёт китобини 29-жузидан топишингиз  мумкин.  Юқоридаги видеодан тушлар ҳақида тўлиқроқ маьлумот олишингиз мумкин.