Quruq teri-infeksiyalar uchun makon

Kuz faslining kirib kelishi bir oz muammoli bo‘lishi mumkin. Turli xil allergik kasalliklar bilan bir qatorda ayollarimizda terining quruqlashish xavfini tug‘diradi.
Terining quruqlashishi odatda jiddiy muammo emas. Aksariyat hollarda bunga issiq yoki sovuq, ob-havo, havo namligining pastligi va issiq suvda ko‘proq foydalanish kabi omillar sabab bo‘ladi. Siz teringizni yaxshilash uchun  namlovchi vositalardan foydalanish, qattiq va quritadigan sovunlardan saqlanishingiz mumkin. Ammo ba’zida quruq teri vakillarining  muammolari og‘irroq bo‘ladi. Bunday hollarda sizga teriga ixtisoslashgan shifokor (dermatolog) yordami kerak bo‘lishi mumkin.

Terining quruqlashishi ko‘pincha vaqtinchalik kuzatiladi. Quruq terining belgilari sizning yoshingizga, sog‘lig‘ingizga, qayerda yashayotganingizga, ochiq havoda o‘tkazgan vaqtingizga va muammoning sababiga bog‘liq.
Quruq terini ko‘p holatlarda uy sharoitida davolanishi samara beradi. Agar urinishlaringiz befoyda bo‘lsa, doktorga murojaat qilishingiz kerak.

Quruq teri qizarish bilan birga kechadi. Quruqlik va qichishish uxlashga xalaqit beradi. 
Quruq teri (kseroz) ko‘pincha ekologik sabablarga ega. Ba’zi kasalliklar ham teriga jiddiy ta’sir qiladi. 


Teri quruqlashishiga sabab bo‘luvchi omillar:
Ob-havo

Terining quruqlashishi ko‘pincha qishda, harorat va namlik pasayganda kuzatiladi. Ammo cho‘l hududlarida yashasangiz, mavsum unchalik ahamiyatli bo‘lmasligi mumkin. 

Issiqlik

Markaziy isitish, o‘tinli pechlar, kosmik isitgichlar va kaminlar namlikni pasaytiradi va teringizni quritadi. Uzoq, issiq dush yoki hammom qabul qilish ham teri quruqlashishiga o‘z hissasini qo‘shadi. 

Tozalovchi vositalar

Ko‘plab mashhur sovunlar, yuvish vositalari va shampunlar yog‘ni kamaytirish uchun tayyorlangani bois teridan namlikni olib tashlaydi. Foydalanayotgan vositangizni yog‘ qatlamini kamaytirish bilan birga namlantiruvchi xususiyatiga ham e’tiborda bo‘lishingiz lozim!

Boshqa teri kasalliklari

Atopik dermatit (ekzema) yoki toshbaqa teri kabi kasalliklari bo‘lgan odamlar quruq teriga moyil bo‘ladi. 

Xavf omillari

Har kim quruq terini davolashi mumkin. 40 yoki undan katta yoshdagi kishilarda kasallanish ko‘roq kuzatiladi. Keksa odamlarning 50 foizidan ko‘prog‘i quruq teriga ega.


Murakkabliklar 

Quruq teri odatda zararsiz. Ammo unga g‘amxo‘rlik qilinmasa, quruq teri-atopik dermatit (ekzema) paydo bo‘lishiga sabab bo‘ladi. Agar siz ushbu kasallikka moyil bo‘lsangiz, haddan tashqari quruqlik, qizarish, yorilish va yallig‘lanishni keltirib chiqarishi mumkin.

 Infeksiyalar

Quruq teri yorilib ketadi. Bu esa bakteriyalarning kirib kelishiga olib kelib, infeksiya o‘z "in" ini qurishiga ko‘makchi bo‘ladi. Bu asoratlar, odatda, terining normal himoya mexanizmlari jiddiy buzilganida yuzaga kelishi mumkin. Masalan, qattiq qurigan teri chuqur yoriqlar yoki yoriqlarni keltirib chiqaradi. Ular ochilib qon ketishi, bakteriyalar kirishiga keng yo‘l ochib berishi ehtimoli katta.

Oldini olish

Namlantirish-eng samarali va ommabop usul.
Suv ta’sirini cheklash, issiq suvdan kamroq foydalanish, kuniga bir martadan ko‘p bo‘lmagan cho‘milishga harakat qilish ham quruqlashish ta’sirlarini kamaytiradi.
Quritish sovunidan samarali foydalaning. Tozalovchi kremlar, terini yumshoq tozalash vositalari va namlovchi kremlarni sinab ko‘ring. Sovuq yoki shamolli havoda iloji boricha terini yopib yuring. Kauchuk qo‘lqop kiyib qo‘lingiz terisini samarali himoya qilishingiz mumkin.

Teri- butun organizm salomatligining va tashqi ko‘rinishning ko‘rsatkichidir. Shunday ekan quruqlashish paydo bo‘lishining sabablarini bilib, imkon qadar tezroq bartaraf qilish kerak. Patologik suvsizlangan teri uchun har qanday maslahat samarasiz ketishi mumkin. Bu holatda eng maqbul yo‘l shifokorga murojaat qilish. Teringizni asrang!