Qora ko'zlar

Bir bor sizga erkalik qilib,
Qalbimdagi ishqqa zo‘r berib,
Hech oshmagan haddimdan oshib,
Menikisiz, desam maylimi?

Sog‘inchlarga to‘liqib borsam,
Vaslingizga oshiqib borsam,
Ishqingizga zoriqib borsam,
Bag‘ringizga singsam maylimi?

Taftingizda mum kabi erib,
Yana qalbim shu ishqda yoqib,

Ko‘zingizga ohista boqib,
Sog‘indim, deb aytsam maylimi?

Oy chiqsayam sizni qizg‘anib,
Kun chiqsayam sizni qizg‘anib,
Xammasidan sizni kizganib,
Rashk-hasadda kuysam maylimi?

Yurak, aqlim surib bir chetga,
Dunyolarni surib bir chetga,
Hammasidan voz kechib shartta,
Yoningizga borsam maylimi?

Vujudimda ruhimsiz, deya,
Ko‘ksimdagi yuraksiz, deya,
Hammadan ko‘p keraksiz, deya,
O‘zingizga aytsam maylimi?

Borligimni yoritgan bir nur,
Siz jonimga jon bo‘lgan huzur,
To hayotman, jonim, bir umr,
Qalbimdasiz desam maylimi..

2-06-2026, 21:03 24

O'hshash ma'lumotlar

Yurak nihoyatda murakkab va hayotiy organ bo'lib, inson tanasida muhim rol o'ynaydi. Ushbu maqolada biz yurak va uning funktsiyalari haqida ba'zi qiziqarli faktlarni ko'rib chiqamiz....

Biz ushbu mahsulotlar bo'yicha ilmiy tadqiqotlarni tushunamiz....

Agar siz o'lchovni bilasiz deb o'ylasangiz, bu unday emas....

Homiladorlik avvalari ayol kishiga dam olish zarur boʻlgan, hayot esa oson kechadigan davr kabi qabul qilingan. Bu tushuncha bola uchun ehtimolli salbiy oqibatlar va ona organizmining ortiqcha zoʻriqishi boʻyicha havotirlarga asoslangan. Biroq, endi...

MUM (MUM) Ibn Sirin (r.a.)ning aytishicha, tushdagi oq mum mol va ne’mat bo‘ladi, sariq mum esa bemorlikdir. Tushida oq mum yeganini ko‘rsa, uning mikdoricha halol mol topishiga dalildir. Tushida mumi yo‘qolganini yoki sotib yuborganini ko‘rsa,...