Тушда баданлар курса нима булади

БАДАНЛЛАР (АНДОМҲО) Ибн Сирин (р.а.)нинг айтишича, одамлар ўз баданларида зиёдаликни кўрсалар, қариндошлари ҳамда ўз аҳлининг зиёда бўлиши ва ўз жойларида бўлишларига далилдир. Агар унинг бадани кесилса ёки танадан бир нарса тушса, сафарга кетиши ва ўз аҳлининг пароканда бўлишини билдиради. Тушида ўз баданини кесса ва парчалаганини кўрса, ўз аҳли ва қариндошларини ҳар хил шаҳарларга тарқатиб юборишига далилдир.

Кирмоний (р.а.)нинг айтишича, ўз баданидан бир парча гўштни кесиб олганини кўрса, у кишига хайру манфаат етишига далилдир. Агар баданидан бир бўлагини жудо бўлганини кўрса, бирор киши унинг молидан зўрлик билан тортиб олишига далилдир. Агар баданидан гўшт қирқиб олганини кўрса ва қушларни олдига ташлаганини кўрса, ўз молидан бировга бахшида қилишига далилдир.

Жобир Магрибий (р.а.) айтадики, баданидан бир аъзоси у билан сўзлашганини кўрса, халқ орасида расво бўлишига далилдир. Аллоҳ таъоло айтади: . . . Бизларни, барча нарсани сўзлатган зот Аллоҳ сўзлатди. . . (Фуссилат сураси, 21-оят).

Агар бирор аъзосининг йўлда юриб кетаётганини кўрса, бир иш қилишига ва бу ишда шикаст пайдо бўлишига далилдир. Агар баданидан бирор аъзосининг жудо бўлганини кўрса, қариндошларидан бир кишининг ғурбатга тушишини билдиради. Агар аъзоларининг озода эканини кўрса, бемор бўлишига далилдир. Агар бирор қушнинг ўз баданидан бир парча гўпггни узиб қочганини кўрса, кимдир унинг молидан зўрлик билан тортиб олишига далил бўлади. Агар ўз гўштидан қирқиб олаётганини ва қушлар олдига ташлаётганини кўрса, ўз молидан бировга бахшида қилишига далилдир.

Фазл айтадики: Мен Аллоҳнинг Расулига арз қилдимки, ё Расулаллоҳ (с.а.в.), мен ёмон туш кўрдим. Қандай туш кўрдинг? — сўрадилар. Айтдим: Тушимда сизнинг баданингиздан бир парчасини олиб бир четга қўйдилар. Расулуллоҳ (с.а.в.) дедилар: Фотима ўгил туғади ва у сенинг ёнингда катта бўлади. Шундан сўнг Фотима Ҳусайнни туғдилар ва у Фазлнинг ёнида катта бўлди. Фазл уни тарбия қилди.