Қор ўйини

Қор ўйини

Оқшомда бошланар, қорнинг ўйини.
Ҳаво ҳам топ-тоза, юракда виқор.
Қоп-қорайиб ётган боғлар қўйнини,
Оппоқ сукунатга, кўмиб ташлар қор.

Қор тинар ва совуқ пичоқларини,
Ойга тутар, атроф кетар ярқираб.
Йиғиштириб олар оёқларини,
Яланғоч, хўмрайган бужур дарахтлар.

Кимдир шошиб борар, пастқам кўчада,
Кимдир эринганча мудраб бош қашир.
Кимдир деразадан термилар ўйчан,
Кимдир қор устига ёза бошлар шер.

Қор ёққан кун

Қандайин сўз топай тасвирлаш учун,
Майсалар рангини қор ёққан куни,
Қордан чиқиб турган майсалар учин,
Юлдузлар совуқдан музлаган тунни.

Ой билан сайр этиб юрган чоғимда,
Йўлакдаги музнинг қисир-қисирин,
Кўрпага ўранган тунги боғимда,
Қари дарахтларнинг маҳзун шивирин.

Сирғадек осилган алвон дўлана,
Юлдуздек ёнади йўлак четида,
Қорнинг учқунлари гўё парвона,
Қўнару эрийди бўш ҳовучимда.



Ўҳшаш маълумотлар

Ҳомиладорлар учун гимнастика

Ҳомиладорлик аввалари аёл кишига дам олиш зарур бўлган, ҳаёт эса осон кечадиган давр каби қабул қилинган. Бу тушунча бола учун эҳтимолли салбий оқибатлар ва она организмининг ортиқча зўриқиши бўйича ҳавотирларга асосланган. Бироқ, энди биламизки,...

Янги йил учун арча безаш одати қандай пайдо бўлган?

Янги йил ва Рождествони уйда оқланган дарахциз тасаввур қилиш қийин. Янги йил байрамида уйларга арча қўйиш, безаш одати қачон пайдо бўлган ва бу ан’ана қандай ривожланган? Янги йил учун Рождество дарахти безаш анъанаси қаердан келганини аниқлашга...

Тушда бош кийими, дуппи, кепка, шапка курса нима булади

БОШ КИЙИМИ (КУЛОҲ) Дониёл (а.с.)нинг айтишларича, тушда бош кийимини кўриш унинг қийматига мувофиқ иззат ва обрў бўлади. Тушида ғозийларнинг бош кийимини кўрса, душманга ғолиб бўлишини билдиради....

Тушда дарахтлар курса нима булади

ДАРАХТЛАР (ДАРАХТОН) Дониёл (а.с.) айтадилар: Тушдаги одамлар учун қадрли бўлган дарахт азизи ва улуғ киши бўлади. Қадрсиз дарахт эса пасткаш киши бўлади. Мевали дарахт бадавлат кишига далил, мевасиз эса фақир кишига далил. Боғда кўрилган дарахт боғ...

Тушда тунги либос курса нима булади

ТУНГИ ЛИБОС (ЖОМАЙИ ХОБ) Ибн Сирин (р.а.)нинг айтишича, тунги либос аёл кишини билдиради. Агар тунги либоснинг оқ ва тоза эканини кўрса, аёли диндор ва покдоман бўлишига далилдир. Агар тунги либосининг қора эканини кўрса, аёлидан ғам ва ранж...



Фикр қўшиш

Наверх