Дунёдаги энг баланд дарахтлар ҳақида қизиқарли маълумотлар

Дарахтлар табиатнинг ажралмас бўлаги, заминнинг нафас тизимидир. Ўртача бир дарахт ўртача бир оиланинг кислородга бўлган эҳтиёжини қоплайди. Демак битта дарахтни қулатиш бир оилани тоза ҳаводан маҳрум қилмоқ демакдир. Бугун эътиборингизга ҳавола қилаётганимиз дунёдаги энг йирик дарахтлар ҳақида қизиқарли малумотлардир.

Гиперион — Гиперион бу сайёрадаги энг баланд дарахт бўлиб, у 115,62 метр баландликка етади. Дарахт бу ўлчамигача саккиз юз йил ичида ўсди. Гиперион сирт майдони беш юз квадрат метрдан ошади ва диаметри 4,85 метрни ташкил этади. Гигант дарахт Калифорния штатидаги Редвуд Крикнинг Трибутарясида жойлашган. Аниқ жойи яширинган, чунки туристларнинг катта оқими Ердаги энг баланд дарахтга зарар етказиши мумкин.
Гелиос — Гелиос ҳам Калифорнияда жойлашган. У Икардан бироз баландроқ. Баландлиги 114,59 метрга етади ва диаметри деярли беш метрга — 4,97 м тенг.

Икар — Энг баланд учта дарахт қаторига 113,15 метргача бўй чўзган баҳайбат Икар дарахти киради. Ҳозирда унинг диаметри 3,79 метрдан ошмайди. Икар кашфиётчи туристлар томонидан 2005 йилда Калифорнияда кашф этилган.

Гигант стратосфера — Сайёҳлар оқими унга зиён келтирмаслиги учун ушбу гигантнинг аниқ жойлашуви ошкор қилинмайди. Стратосфера гиганти 113,12 м га етади, диаметри 5,19 метрга тенг. Ҳар ўн йилда дарахт деярли бир сантиметрга ўсади. Мутахассисларнинг фикрига кўра, 2010 йилда Стрососфера гигантининг баландлиги 112,35 метрни ташкил қилган.

Миллий география жамияти — Бизнинг рўйхатимизда бешинчи ўринни Миллий географик жамиятининг ғайриоддий номи бўлган дарахт эгаллайди. Узун дарахтнинг  бўйи112,72 м га етади ва диаметри 4,40 метрдан ошмайди. У 1994 йилдан 1995 йилгача дунёнинг энг баланд дарахти ҳисобга олинган.

Орион — Орион дарахти ҳам Калифорнияда жойлашган. Унинг баландлиги 112,64 м ва диаметри 4,34 метрни ташкил қилади. Дарахтга юлдуз Орион номи берилган.

Лауралин — Яна бир ажойиб баланд бўйли дарахт АҚШънинг Хумболдт шаҳрида жойлашган. Лауралин112,63 метр баландликка етади, дарахтнинг диаметри 4,55 метрга тенг.

Рокфеллер — Рокфеллер Калифорниянинг, Хумболдт шаҳрида жойлашган. Дарахтнинг баландлиги 112, 61 метрни ташкил қилади, аммо олимлар ҳали ҳам аниқ диаметрини ўлчай олмаганлар.

Парадокс — Яна бир баланд дарахт Парадоксдир. Дарахтнинг баландлиги 112,57 метр ва диаметри 3,9 метрга тенг. Парадокс жуда чиройли ва қадимги дарахт бўлиб, уни табиат қўриқчилари диққат билан кузатадилар ва ҳимоя қиладилар.

Мендосино дарахти — Бизнинг рўйхатимиздаги ўнинчи ўринни Америкада жойлашган Мендосино дарахти эгаллаган. Унинг баландлиги 112,21 метрга етади. Улкан дарахтнинг диаметри 4,20 метрни ташкил қилади. Дарахт ёмон шикастланди, бунга сабаб эса унинг машҳурлиги туфайли жуда кўп сонли сайёҳлар ташрифи эди.