Меҳрибоним онам

Синовлар олами олса хаёлим,
Бўғзимга чанг солса дард деган золим,
Ҳеч кимса сўрамас бир бора ҳолим,
Сиз каби меҳрибон топмадим онам.

Сўзларим ўтмайди туққан боламга,
Сиғмай кетаяпман шу кенг оламга,
Фақат сиз йиғлайсиз унсиз ноламга,
Сиз каби меҳрибон топмадим онам.

Турмушни елкамга кийиб олганда,
Ёрим кўзларимни ўйиб олганда,
Оловли йўллардан куйиб қолганда,
Сиз каби меҳрибон топмадим онам.

Боламан сиз учун қари бўлсам ҳам,
Бир оз кўзингиздан нари бўлсам ҳам,
Чақишга шай турган ари бўлсам ҳам,
Сиз каби меҳрибон топмадим онам.

Ҳақиқат тополмай айласам фарёд,
Сабр йўлларида бўлганда касод,
Ғурурим ўзимни қилганида мот,
Сиз каби меҳрибон топмадим онам.

2-06-2026, 21:11 33

Ўҳшаш маълумотлар

Билл Гейтснинг тўлиқ тарихи ва таржимаи ҳоли. Билл Гейтс муваффақиятининг сири ва у қандай қилиб дунёдаги энг машҳур одам бўлишга муваффақ бўлганини батафсил билиб олинг. Қизиқарли фактлар, китоблар ва фильмлар...

Ҳомиладорликнинг охирги уч ойлиги аёл учун энг ҳаяжонли давр ҳисобланади. Туғруқ жараёни яқинлашган сари, аёлларда саволлар ҳам кўпая боради. Улардан энг кўп сўраладигани тўлғоқ қандай бошланади, аёл киши нималарни ҳис қилади, оғриқ бўлмайдими каби...

Учинчи минг йилликнинг дастлабки асри — ахборот асри сифатида эътироф этилаётир. Дарҳақиқат, жаҳон афкор оммаси тобора ахборотлар гирдобига тушиб қолмоқда. Кўплаб шов-шувлар, илмий манбалар билан қоришиб кетиб, фисқу фужур тарзидаги тафаккурни...

АРИ (ЗАНБУР) — Ибн Сириннинг айтишича, тушдаги ари пасткаш ва ҳиммати паст эркакдир. Агар ари чақиб олганини кўрса, бирорта пасгкаш одамдан ёқимсиз ранж етиши ёки ширин сўз эшитишига далилдир. Агар ариларнинг ўзига ёпишиб олганини кўрса, пасткаш...

ҚАРИ ЧОЛ ЁКИ ҚАРИ КАМПИР (ГАНДАПИР) Ибн Си-рин (р.а.)нинг айтишича, тушдаги қалтираб қолган қари чол ёки кампир молу дунё бўлади. Яхши кийинган мусулмон қари чол ёки кампир ҳалол молга далилдир, кир либос кийгани эса ғайридин бўлиб, ҳаром молни...