KO‘KRAKDAN SUT KЕLISHI

👩‍⚕ Avvalo, shifokor-ginekolog ko‘rigiga borishingiz kerak. Bunday holat qizlarda ham uchrab turadi. 
Homiladorlik va emizikli davrdan boshqa paytda  ko‘krakdan sut kelishi tibbiyotda galaktoreya  (galaktos — sut, rhoia — oqish, degan ma’noga ega) deb nomlanadi. 

☝️ Bu holatning bir qancha sabablari bor: 
➖organizmda kechayotgan surunkali kasalliklar;  ➖ jinsiy a’zolardagi shamollash; 
➖ hayzning vaqtida kelmasligi;
➖ tuxumdonlar yallig‘lanishi,
➖ bosh miyada joylashgan gipofiz bezidagi o‘zgarishlar;
➖ endokrin kasalliklar (ayniqsa, buqoq). 

🩺 Tekshiruv zarur
Agar ko‘krakdagi suyuqlik yiring aralash, sarg‘ish yoki yashilsimon bo‘lmasa, xavotirlanarli joyi yo‘q. Ammo shifokorga uchrab, prolaktin (sut ishlab chiqarilishini ta’minlaydigan) gormoni miqdorini tekshirtirish kerak.  
Sut kelishi buqoq yoki jinsiy a’zolardagi yallig‘lanish, gipofizdagi o‘zgarishlar sababli ro‘y bergan bo‘lsa, shifokor gormonal vositalar buyuradi. 
O‘z vaqtida olingan tibbiy muolajalar tez vaqtda samarasini ko‘rsatadi.