CHЕKISH — KARLIKKA OLIB KЕLADIMI?

Britaniyalik olimlar tomonidan 8 yil davomida olib borilgan tadqiqotda 50 ming kishi ishtirok etdi. Tadqiqot natijalari chekish eshitish qobiliyatining buzilishiga olib kelishi mumkinligidan dalolat berdi.

   Olimlar har yili o‘tkaziladigan tibbiy ko‘rik natijasida olinadigan audiotashxis va so‘rov varaqasining to‘ldirilishini tahlil qilib ko‘rishdi. Shuningdek, chekuvchining ayni vaqtdagi ahvoli (har zamonda chekkan, avval chekkan va tashlagan, ayni vaqtda chekadi), bir kunda chekadigan sigaret soni va boshqa savollar o‘rganilgan. 
    Natijalar shuni ko‘rsatdiki, eshitish qobiliyatining pasayishiga chekish sanoat korxonalaridagi shovqindan ham ko‘proq salbiy ta’sir ko‘rsatar ekan. Kashandalar chekishni tashlaganidan keyin ham eshitish qobiliyatining pasayishi yana 5 yil davom etadi.

    Tadqiqotchilar tahlil qilingan manbalarga tayanib shunday xulosaga keldilarki, eshitish qobiliyatini yo‘qotishda chekish yordamchi emas, balki mustaqil to‘g‘ridan-to‘g‘ri salbiy ta’sir omili sifatida namoyon bo‘ladi.

    Xulosa o‘rnida aytish mumkinki, tamaki chekishdan saqlanish va o‘z vaqtida uni tashlash eshitish qobiliyati uzoq saqlanishiga zamin yaratadi.