Тушда уруглар, уруг экмок курса нима булади

УРУҒЛАР (ТУХМҲО) Кирмоний (р.а.) айтадики, тушдаги уруғлар, агар нордон, аччиқ ва нохуш бўлса, буларнинг ҳаммаси ғам ва андишага далолат қилади. Бироқ таъми ширин ва ёқимли бўлса, озгина фойдага далилдир.

Жобир Мағрибий (р.а.) айтадики, тушда уруғларни кўрмоқ ва емоқ яхшиликка далил бўлади. Борди-ю чириган ёки қурт еган бўлса бунинг аксидир.
УРУҒ ЭКМОҚ (ТУХМ КОШТАН) Ибн Сирин (р.а.) айтишича, ҳар ким тушида уруғ сепганини ва яна қайтиб, уруғ йиғиб олганини кўрса, шараф ва улуғлик топишига далил бўлади.

Агар уруғ сепган еридан ҳосил олиб еяётганини кўрса, далили юқоридагидан ҳам яхшироқ бўлади. Агар.сепган еридан ҳеч нарса ҳосил бўлмаганини кўрса, ғаму андуҳга далил бўлади.

Кирмоний (р.а.) айтадики, буғдой сепаётганини кўрса, хайрият ва яхшилик етишини билдиради. Агар арпа сепганини кўрса, кўлида мол тўпланишига далилдир. Агар тариқ экаётганини кўрса, озгина мол топишига далилдир. Агар ясмиқ, боқила, ловия ва шунга ўхшашларни эканини кўрса, гаму андуҳ етишига далилдир.

Дониёл (а.с.)нинг айтишларича, агар ўз ерида уруғ экканини кўрса, хотин олиши ва ишларининг яхшиланишига далил бўлади. Агар ўзининг экин экадиган жойини экин экилмаган ҳолда кўрса, у билан бошқа бир одамнинг орасига хусумат тушишга далил бўлади. Агар нотаниш бир ерга уруғ экканини кўрса, ғазо қилади, ғазо унга осон кўчади ва яхшиликдан топади. Агар ўз ерига экин экаётганини кўрса, унинг учун молу неъмат ҳосил бўлишига далилдир. Агар буғдой ёки дарахтни ўз ерига экаётганини кўрса, эккан нарсасининг микдорига қараб, иззат ва обрўси зиёда бўлади.

Жаъфар Содиқ (р.а.)нинг айтишича, тушда уруғ сепмоқ тўрт нарсани билдиради: иззат ва улуғликни; фитна-фасодни; ҳаром молни; савдогарликдан келадиган нафни.

Ан-нобулсий: Ерга ташланган ҳар бир уруғ фарзандга далолат қилади. Уруғ ва шифобахш донлар зухд ва тақво ҳақида ёзилган китобларга далолат қилади. Шунингдек уруғлар салоҳиятли наслга ҳам ишорадир. Тарра, ошқовоқ ва тарвуш уруғлари ғам-ташвишни кетиши ва касалликдан тузалошга далолат қилади. Бодринг, қанд лавлаги ва пиёз уруғлари ўз меваларига, райҳон ва пахта уруғлари эса касаллар учун шифога далолатдир.