Кесарча кесишдан сўнг табиий туғруқ хавфлими?

Кесарча кесишдан сўнг табиий туғруқ хавфлими? Мутахассис жавоб беради
🤰🏻Аксарият аёллар кесарча кесиш амалиётидан сўнг табиий туғруқнинг имкони йўқ, деб ўйлайди. Аслида бундай эмас, дунё тиббиётида тўпланган тажрибага кўра, кесарча кесишдан сўнг табиий туғруқнинг 60 дан 85 фоизгача ме’ёрий эканлигини тасдиқлайди.

👩‍⚕Кесарча кесиш ва табиий туғруқ борасида ҳомиладор аёлларни хавотирга солаётган саволларга мутахассис шифокор акушер-гинеколог Наталя Кан жавоб беради.
👇
Кесарча кесишдан кейинги ҳомиладорлик икки йилдан кейин бўлиши керак
Ҳақиқатан ҳам кесарча кесишдан кейинги ҳомиладорликка шошмаслик тавсия этилади. Тахминан 2 йилдан кейин фарзанд кўриш она ва бола учун ҳам яхши. Аммо жарроҳлик амалиётидан 2 ой ўтгач чандиқ пайдо бўлади. Агар қисқа вақт оралиғида ҳомиладорлик кузатилса, ортиқча хавотирнинг ҳожати йўқ. Бунинг учун шифокорга хабар бериш ва мунтазам равишда назоратда бўлиш керак.
Кесарча кесиш чандиғи чўзилмайди, шунинг учун қайта ҳомиладорлик ҳар доим хавф туғдиради
❗️Кесарча кесишдан кейин бачадонда чандиқ пайдо бўлганда, кесма жойида силлиқ мушак толалари пайдо бўлиши мумкин ва кейинчалик органнинг кенгайиши зарар кўрмайди. Аммо бириктирувчи тўқима чандиғи ҳам пайдо бўлса, у яхши чўзилмайди ва бу ҳолда шифокорлар бачадондаги чандиқ етишмовчилиги ҳақида ма’лум қилади. Умуман олганда шифокор ҳомиладорлик ва туғиш ҳақида кўпроқ ма’лумотга эга ва келажакдаги туғруқ ҳақида ҳам аниқроқ билади. Мутахассис учун кесарча кесиш қанча вақтда қилинганлиги, тикланиш жараёни қандай ўтганлиги, қандай дориларни қабул қилиниши жуда муҳим. Агар иложи бўлса, ҳомиладорлик даврини аёлнинг касаллик тарихини яхши биладиган ҳамда битта шифокор билан кузатиш яхшироқдир.

Кесарча кесишдан сўнг табиий туғиш ме’ёрдаги туғруқдан фарқ қилмайди
Агар кесарча кесишни бошидан ўтказган аёл табиий туғруқни амалга оширмоқчи бўлса, табиий жараённи кутиши керак. Ҳозирда шифохоналарда олдиндан ётиш имконияти мавжуд. Бўлажак она ҳеч қандай муолажаларсиз касалхонада бўлиши ва туғруқ кунини шифокор назоратида кутиши мумкин.

☝️Агар аёлда кесарча кесишдан сўнг чандиқ хавф туғдирмаса, табиий туғруққа ҳеч нарса тўсиқ бўлмайди
Кесарча кесишдан кейин аёлнинг табиий туғруғи ҳал қилувчи аҳамиятга эга. Шуни ёдда тутиш керакки, табиий туғруқда аввал кесарча юз бермаган бўлса ҳам, бир қатор муаммолар мавжуд. Я’ни ҳомиланинг кўндаланг ёки қийшиқ ҳолати ва бошқа қийинчиликлар юзага келиши мумкин. Қарама-қарши кўрсатмалар бўлмаса, туғруқ табиий йўл орқали амалга оширилади. Агар асоратлар юзага келса, туғруқ усулини ўз вақтида ҳал қилиш керак.

Агар аёлда табиий туғруқ имконияти бўлса, лекин аёл кесарча кесишни хоҳласа, операция қилинади
Бу ҳолат ҳаттоки урфга айланиб бормоқда. Айрим мамлакатларда кесарча кесиш фақатгина тиббий сабабларга кўра амалга оширилади. Нисбатан кўрсатмалар мавжуд бўлганда, шифокорлар бемор билан барча тафсилотларни муҳокама қилади ва мумкин бўлган оқибатларни жуда эҳтиёткорлик билан кўриб чиқади. Бунда она, бола ва келажакдаги ҳомиладорлик учун ҳар томонлама ўйлаб чиқилади. Шундан сўнг қарор қабул қилинади.
Кесарча кесишдан кейин жуда узоқ ва оғриқли реабилитация мавжуд
Кесарча кесишдан қўрқишнинг кераги йўқ. Бугунги кунда операциялар шу тарзда амалга ошириладики, 3-4 кун ичида она ва бола туғруқхонадан чиқарилиши мумкин ва тикланиш жараёни 10 йил аввалгига қараганда терзроқ ва осонроқ кечади.

Манба© @ҲОМИЛАДОРЛИК_ДАВРИ