Ўзбекистон Республикаси Давлат мадҳияси

Серқуёш, ҳур ўлкам, элга бахт, нажот,
Сен ўзинг дўстларга йўлдош, меҳрибон!
Яшнагай то абад илму фан, ижод,
Шуҳратинг порласин токи бор жаҳон! 

 
Олтин бу водийлар — жон Ўзбекистон,
Aждодлар мардона руҳи сенга ёр!
Улуғ халқ қудрати жўш урган замон,
Оламни маҳлиё айлаган диёр! 
 
Бағри кенг ўзбекнинг ўчмас иймони,
Эркин, ёш авлодлар сенга зўр қанот!
Истиқлол машъали, тинчлик посбони,
Ҳақсевар, она юрт, мангу бўл обод! 
 
Олтин бу водийлар — жон Ўзбекистон,
Aждодлар мардона руҳи сенга ёр!
Улуғ халқ қудрати жўш урган замон,
Оламни маҳлиё айлаган диёр!
 
Мутал Бурхонов мусиқаси
Aбдулла Орипов шеъри

26-11-2022, 22:06 192

Ўҳшаш маълумотлар

Ёшмиз, дилимизда эзгу аҳд бўлгай, Ҳар юракда шиддат бўлгай, шаҳд бўлгай! Юртбошимиз кўрсатган ёруғ йўлда, Манзилгача йўлдошимиз бахт бўлгай!...

Истиқлолнинг нишонаси сендурсан, Зулматимда бўлгансан нур — Мадҳиям! Жаҳонларга битта ўзинг тенгдурсан, Дунё узра куйланиб тур, Мадҳиям!...

Давлат мадҳияси янграган маҳал, Юртдошим, дарёдай оёққа қалқи Чунки, осонликча эришган эмас, Бу бахтга жафокаш, мард ўзбек халқи...

Ватан учун жонин берган жигарларим, Ҳурлик учун қонин берган жигарларим, Хоинларни итдай қирган жигарларим, Унутмайди номингизни она Ватан....

Серзарда замонлар ўтдилар қатор, Ўътдилар йиллару ойлар ранг-баранг. Мозийдан бугунга етмасди овоз, Бўлмаганда, халқим, сенинг хотиранг....