АЁЛ БОР БЎЛСИН

Бизлар ухлаб ётган бир онда,
Саҳарликка туриб азонда,
Масаллиқни солиб қозонда,
Таом қилган аёл бор бўлсин,
Номалари савобга тўлсин.

“Таом пишди, тур, ўғлим, қизим,

Рўза тутинг, қувонсин кўзим,
Гиргиттоним бўлайин ўзим”, —
Деб илинган аёл бор бўлсин,
Номалари савобга тўлсин.

Таровеҳни кечаси ўқиб,
Кундуз куни рўзани тутиб,
Ишдан келган эрини кутиб,
Эшик очган аёл бор бўлсин,
Номалари савобга тўлсин.

Ҳамир қориб, нонларни ёпиб,
Шўх боласин ортидан чопиб,
Барча ишни дўндириб ётиб,
Чарчамаган аёл бор бўлсин,
Номалари савобга тўлсин.

Бир кўтарим кирларни поклаб,
Йиртиқ жой бўлса гар чоклаб,
Дазмол қилиб, жавонга тахлаб,
Эринмаган аёл бор бўлсин,
Номалари савобга тўлсин.

Ҳақ сўрамай қилган ишига,
Дарди бўлса, ютиб ичига,
Эшик очмай бир ёт кишига,
Пок яшаган аёл бор бўлсин,
Номалари савобга тўлсин.

8-05-2026, 18:48 53

Ўҳшаш маълумотлар

Кембриж университети Буюк Британиядаги иккинчи энг қадимги университет ва дунёдаги энг нуфузли университетлардан биридир....

Эр хар куни ишдан келганда аёли доим ундан шубҳаланиб, бегона аёли бор деб, эрини "Тинтув" қилар эди. Ишдан бироз кечикса уйга келганда "Туҳмат"лар билан безаб кутиб олар эди......

Учинчи минг йилликнинг дастлабки асри — ахборот асри сифатида эътироф этилаётир. Дарҳақиқат, жаҳон афкор оммаси тобора ахборотлар гирдобига тушиб қолмоқда. Кўплаб шов-шувлар, илмий манбалар билан қоришиб кетиб, фисқу фужур тарзидаги тафаккурни...

ДАРАХТЛАР (ДАРАХТОН) Дониёл (а.с.) айтадилар: Тушдаги одамлар учун қадрли бўлган дарахт азизи ва улуғ киши бўлади. Қадрсиз дарахт эса пасткаш киши бўлади. Мевали дарахт бадавлат кишига далил, мевасиз эса фақир кишига далил. Боғда кўрилган дарахт боғ...

ТАОМ (ТАОМ) Дониёл (а.с.) айтадиларки, етилиб пишган ҳар қандай таом ва шарбатлар, фақат мева ширасидан ташқари, таъбири ёмон бўлади. Асоси ёғ ва асалдан иборат бўлган ширинликнинг таъбири молдир....