Ўзим ўзимга керак

Кетди умр ўттизи,
Ярми ўтибди, демак.
Ниҳоят, сездим шуни,
Ўзим ўзимга керак.

Оғриб қолса бир ерим,
Ачинмас, ҳатто, эрим.
Ётиб қолсам, қарар ким,
Ўзим ўзимга керак.

Билмай роҳат, нима дам,

Хизмат қилдим чунонам.
Хеч билмайди бир одам,
Ўзим ўзимга керак.

Уйда қулман, ҳоқонман,
Ҳар балога қалқонман.
Аммо заиф бир жонман,
Ўзим ўзимга керак.

Кўзга сурма суришга,
Вақт йўқ хина қўйишга.
Чек қўяман ташвишга,
Ўзим ўзимга керак.

Кимга зарур қоқ ўтин,
Эркакка аза уч кун.
Уйланади шу бугун,
Ўзим ўзимга керак.

Қариб кучдан толгунча,
Ҳасса суяб қолгунча.
У дунёга боргунча,
Ўзим ўзимга керак.

Бу дунёнинг борини,
Тотдим оғу, болини.
 Ҳаққа солдим барини
Ўзим ўзимга керак.

Ким дўст тутар фақирдан,
Ё мендайин сағирдан.
Нима бўлса тақдирдан,
Ўзим ўзимга керак.

Қадр топсам бир қилча,
Умрим қаричдек йўлча.
То Худо чақиргунча,
Ўзим ўзимга керак.

Сегодня, 09:46 9

Ўҳшаш маълумотлар

Билл Гейтснинг тўлиқ тарихи ва таржимаи ҳоли. Билл Гейтс муваффақиятининг сири ва у қандай қилиб дунёдаги энг машҳур одам бўлишга муваффақ бўлганини батафсил билиб олинг. Қизиқарли фактлар, китоблар ва фильмлар...

Учинчи минг йилликнинг дастлабки асри — ахборот асри сифатида эътироф этилаётир. Дарҳақиқат, жаҳон афкор оммаси тобора ахборотлар гирдобига тушиб қолмоқда. Кўплаб шов-шувлар, илмий манбалар билан қоришиб кетиб, фисқу фужур тарзидаги тафаккурни...

КЎЗ (ЧАШМ) Ибн Сирин (р.а.) айтадики, тушдаги кўз узоқни кўрувчи киши бўлиб, у орқали ҳидоят йўлини топади. Кўк кўз бидъатдир, шаҳло, кўз фарзанд бўлади. Агар тушида кўр бўлиб қолганини кўрса, тўғри йўлни йўқотишига ёки фарзандининг ўлишига...

СУРМА (СУРМА) Ибн Сириннинг айтишича, тушдаги сурма молдир. Агар кўзига сурма тортаётганини ва бундан мақсад кўз нурини ошириш бўлса, динини яхшилашга интилишига далилдир....

ЎТИН (ҲИЗЎМ) Ибн Сирин (р.а.)нинг айтишича, тушдаги қуруқ ёки ҳўл ўтин хусумат ва чақимчилик бўлади. Тушида уйига ўтин олиб келганини кўрса, ўтиннинг микдорича ўша шаҳарда ёки уйда жанг ва хусусамт юз беришига далилдир. Тушида бегона бир одам унга...