O‘zim o‘zimga kerak

Ketdi umr o‘ttizi,
Yarmi o‘tibdi, demak.
Nihoyat, sezdim shuni,
O‘zim o‘zimga kerak.

Og‘rib qolsa bir yerim,
Achinmas, hatto, erim.
Yotib qolsam, qarar kim,
O‘zim o‘zimga kerak.

Bilmay rohat, nima dam,
Xizmat qildim chunonam.
Xech bilmaydi bir odam,
O‘zim o‘zimga kerak.

Uyda qulman, hoqonman,

Har baloga qalqonman.
Ammo zaif bir jonman,
O‘zim o‘zimga kerak.

Ko‘zga surma surishga,
Vaqt yo‘q xina qo‘yishga.
Chek qo‘yaman tashvishga,
O‘zim o‘zimga kerak.

Kimga zarur qoq o‘tin,
Erkakka aza uch kun.
Uylanadi shu bugun,
O‘zim o‘zimga kerak.

Qarib kuchdan tolguncha,
Hassa suyab qolguncha.
U dunyoga borguncha,
O‘zim o‘zimga kerak.

Bu dunyoning borini,
Totdim og‘u, bolini.
 Haqqa soldim barini
O‘zim o‘zimga kerak.

Kim do‘st tutar faqirdan,
Yo mendayin sag‘irdan.
Nima bo‘lsa taqdirdan,
O‘zim o‘zimga kerak.

Qadr topsam bir qilcha,
Umrim qarichdek yo‘lcha.
To Xudo chaqirguncha,
O‘zim o‘zimga kerak.

Сегодня, 09:46 8

O'hshash ma'lumotlar

Bill Geytsning to‘liq tarixi va tarjimai holi. Bill Geyts muvaffaqiyatining siri va u qanday qilib dunyodagi eng mashhur odam bo‘lishga muvaffaq bo‘lganini batafsil bilib oling. Qiziqarli faktlar, kitoblar va filmlar...

Uchinchi ming yillikning dastlabki asri — axborot asri sifatida e’tirof etilayotir. Darhaqiqat, jahon afkor ommasi tobora axborotlar girdobiga tushib qolmoqda. Ko‘plab shov-shuvlar, ilmiy manbalar bilan qorishib ketib, fisqu fujur tarzidagi...

KO‘Z (ChASHM) Ibn Sirin (r.a.) aytadiki, tushdagi ko‘z uzoqni ko‘ruvchi kishi bo‘lib, u orqali hidoyat yo‘lini topadi. Ko‘k ko‘z bid’atdir, shahlo, ko‘z farzand bo‘ladi. Agar tushida ko‘r bo‘lib qolganini ko‘rsa, to‘g‘ri yo‘lni yo‘qotishiga yoki...

SURMA (SURMA) Ibn Sirinning aytishicha, tushdagi surma moldir. Agar ko‘ziga surma tortayotganini va bundan maqsad ko‘z nurini oshirish bo‘lsa, dinini yaxshilashga intilishiga dalildir....

O‘TIN (HIZO‘M) Ibn Sirin (r.a.)ning aytishicha, tushdagi quruq yoki ho‘l o‘tin xusumat va chaqimchilik bo‘ladi. Tushida uyiga o‘tin olib kelganini ko‘rsa, o‘tinning mikdoricha o‘sha shaharda yoki uyda jang va xususamt yuz berishiga dalildir. Tushida...