KЕCHIRING MЕNI...

Hayotimga hamroh insonlar,
Tanish-bilish, do‘st-u yoronlar, 
O‘tgan bo‘lsa yaxshi, yomonlar, 
Alloh uchun kechiring meni...

Hokimlik bir Yaratganga xos,
Banda ishi mo‘minlik xalos,
Dildan so‘ray, iqrorlarim rost,
Alloh uchun kechiring meni.

O‘tkir tig‘dan keskir ba’zan til, 
Gohi bilmay og‘ritdim ko‘ngil,

Tavba ila o‘tdi yana yil, 
Alloh uchun kechiring meni.

Kechmishlarim shu she’rimda jam,
Qalb ko‘zini yoshlamasin g‘am,
Avfingizga intiqman men ham, 
Alloh uchun kechiring meni.

Kelayotir oylarning shohi,
Ko‘rinay der Ramazon mohi, 
Shu kunlarga mushtog‘lik chog‘i, 
Alloh uchun kechiring meni.

Yuragingiz to‘ldirsin huzur,
Birodarim tutgaysiz ma’zur, 
Mendan o‘tgan bo‘lsa ming uzr, 
Alloh uchun kechiring meni.

Borliqqa nur ingani zamon, 
Yetishdik deb bo‘lgandik shodon, 
Ketmoqqa shay endi Ramazon,
Alloh uchun kechiring meni.

Siz-u menda yana bir imkon, 
Orzuyimiz Firdavs-u, Rayyon, 
Niyatiga yetsin har inson,
Alloh uchun kechiring meni.

18-02-2026, 14:34 365

O'hshash ma'lumotlar

Xalqaro investorlarning O‘zbekistonga qiziqishi ortib borayotgan bir sharoitda Uzumning fintech ekotizimiga alohida e’tibor qaratilmoqda – zamonaviy texnologiyalar, mahalliy xususiyatlarni chuqur anglash va o‘sish strategiyasini uyg‘unlashtirgan...

Iyd al-Fitr, shuningdek, iftorlik bayrami sifatida ham tanilgan, butun dunyo musulmonlari tomonidan nishonlanadigan muhim diniy bayramdir. Islomning muqaddas ro‘za oyi bo‘lgan Ramazon oyi tugashi munosabati bilan Ramazon hayiti shodlik, shukronalik...

Zahiriddin Muhammad Bobur — buyuk oʻzbek shoiri, mutafakkiri, tarixchi va davlat arbobi; Boburiylar sulolasi va imperiyasining asoschisi. Boburning ilmiy asarlari ichida aruzning sharqiy metrikalari nazariyasini tadqiq qiluvchi «Aruz haqida risola»...

Bill Geytsning to‘liq tarixi va tarjimai holi. Bill Geyts muvaffaqiyatining siri va u qanday qilib dunyodagi eng mashhur odam bo‘lishga muvaffaq bo‘lganini batafsil bilib oling. Qiziqarli faktlar, kitoblar va filmlar...

Agar kimdir sizning hayotingizni buzsa, siz o'tirolmaysiz. Garchi bu odamlar sizning ota-onangiz bo'lsa ham....