Sizni yaxshi ko‘raman, dada!

Sizni yaxshi ko‘raman dada!
Boringizcha borligingizni. 
Bolam unib-o‘ssin deb mudom, 
Duolarga yorligingizni. 

Sizni yaxshi ko‘raman dada! 
Yonimizda sog‘ yursangiz bas. 
Joningizni asrasin Xudo, 
Sizga ko‘plar qilsinlar havas. 

Sizni yaxshi ko‘raman dada, 

Gohi tanbex bersangiz mayli.
Meni yaxshi inson desalar,
Bergan tarbiyangiz tufayli.

Sizni yaxshi ko‘raman dada,
Birovdan kam qilmadingiz hech.
Ko‘nglimizga qaraysiz yana,
Tin olmaysiz sira, erta-kech.

Sizni yaxshi ko‘raman dada,
Ko‘rsam ko‘nglim yorishib ketar.
Borligingiz bayram, tantana,
Ko‘rmay qolsam dilim g‘ash etar.

Sizni yaxshi ko‘raman dada,
Ko‘zlarimning qarog‘idasiz.
Mehringizning javobi mana-
Qiz-o‘g‘illar ardog‘idasiz.

Sizni yaxshi ko‘raman dada,
Borligingiz baxtim, ko‘ngil to‘q.
Qo‘sha qarisangiz onam-la,
Bu dunyoda hech armonim yo‘q.

2-06-2026, 20:50 10

O'hshash ma'lumotlar

Inson tanasi hayot, harakat va idrokni ta'minlash uchun uzluksiz ishlaydigan murakkab tizimlardan tashkil topgan biologik muhandislikning ajoyibotidir. To‘qimalar va organlarni tashkil etuvchi mikroskopik hujayralardan tortib, inson miyasining nozik...

Avitsenna - o‘rta asrlarning ajoyib olimi, shifokori, faylasufi, shoiri, musiqachisi....

Mening suyangan tog‘im, Yo‘l ko‘rsatar mayog‘im, Gullagay chaman bog‘im, Qomusim bor, baxtim bor....

Agar kimdir sizning hayotingizni buzsa, siz o'tirolmaysiz. Garchi bu odamlar sizning ota-onangiz bo'lsa ham....

O‘TIN (HIZO‘M) Ibn Sirin (r.a.)ning aytishicha, tushdagi quruq yoki ho‘l o‘tin xusumat va chaqimchilik bo‘ladi. Tushida uyiga o‘tin olib kelganini ko‘rsa, o‘tinning mikdoricha o‘sha shaharda yoki uyda jang va xususamt yuz berishiga dalildir. Tushida...