Компьютер сичқончаси ҳақида энг қизиқарли малумотлар

9 декабрь компьютер сичқончасининг “туғилган куни” ҳисобланади. 1968 йилнинг айнан шу куни Стенфорд тадқиқот институти ходими Дуглас Энгелбарт сичқончани Сан-Францискодаги ҳисоблаш техникаси бўйича анжуманда тақдим қилган.
Қуйида компьютер сичқончаси ҳақида қизиқарли фактлар келтирилган:

Компьютер сичқончасига НАСА томонидан буюртма берилган. Коинот агентлиги ҳисоблаш тизимлари билан ишлашни соддалаштириш усулини излаган. Бироқ сичқонча агентлик мутахассисларини қониқтирмаган, чунки у билан вазнсизликда ишлашнинг иложи бўлмаган.
Энгелбарт сичқончага патент олган, бироқ патент муддати унинг ихтироси оммавий равишда ишлаб чиқарила бошланишигача тугаб бўлган. Бироқ қаҳрамон мукофотсиз қолиб кетмаган. 1997 йилда Энгелбарт ихтирочиларга бериладиган Лемелсон мукофоти (500 минг доллар) ва “компьютер соҳасидаги Нобел мукофоти” деб эътироф этилувчи Тюринг мукофотини (250 минг доллар) олган.

Энгелбарт унда сичқончани яратиш ғояси пайдо бўлишидан аввал бошнинг ҳаракатларига монанд курсорни ҳаракатлантирувчи махсус ниқобни қўллашни таклиф қилган.

Энгелбарт ўз сичқончасига битта тугмани жойлаштирган, бироқ унинг ўзи ҳар бир бармоқ учун биттадан тугма жойлаштиришни истаган.

Сичқонча 1980-йилларда унга ҳуқуқни Apple компанияси сотиб олгандан кейин оммалашган. Сичқонча конструкцияси соддалаштирилиб, “Макинтош” компьютери билан бирга ишлатила бошланган.

Инглизча моусе (сичқонча) сўзининг кўпликдаги шакли миcе кўринишида ёзилади. Бироқ гап компьютер сичқончалари ҳақида кетганда Оксфорд луғати моусес сўзини қўллашга рухсат беради.

Сичқонча курсори нега вертикал ёки горизонтал эмас, балки ёнбошлатиб тасвирлангани сабабини биласизми? Чунки паст кўрсатиш сифатига эга бўлган илк мониторларда уни шундай шаклда топиш осон бўлган.

Илк оптик сичқонча 1980 йилда пайдо бўлган, бироқ 1999 йилда унинг нархи чўнтакбоп кўринишга келгандан кейингина кенг қўллана бошланган.

Сичқончани ишлатиш мумкин бўлган илк компьютер 1970 йилда ишлаб чиқарилган Херох Алто бўлган. Бу компьютер шунингдек график интерфейсга эга бўлган биринчи компьютер ҳисобланади.