Тушда Куръон укиш курса нима булади

ҚУРъОН ЎҚИШ (ҚУРЪОН ХОНДАН) Тушда Қуръон ўқиш ҳокимга далилдир. Агар тушда раҳмат оятини ўқиганини кўрса, Қақ таъолодан башорат бўлиб, туш кўрувчи яхшиликлар қилиши ва Ҳақ таъоло шукрини жойига қўйиши керак. Агар тушида азоб оятини ўқиётганини кўрса, Худойи таъолонинг ғазабида бўлишига далилдир, тавба қилиш Қақ таъоло йўлига қайтиш лозим. Агар қисса ва мисоллар ҳақидаги оятларини ўкиганини кўрса, маъсиятга йўл қўйишига далилдир.

Кирмоний (р.а.)нинг айтишича, тушида Қуръоннинг ярмини ўқиганини кўрса, умрининг ярми ўтганига далилдир. Агар тушида ҳофизи Қуръон (қори) бўлганини кўрса, омонатни сакдовчи бўлишига далилдир. Агар тушида ўқилаётган Қуръон овозини эшитганини кўрса, дин йўлидаги ишлари яхши бўлишига далилдир.

Мағрибий (р.а.)нинг айтишича, Қуръонни тўлиқ ўқиб чиққанини кўрса, мурод топишига, баъзи таъбирчилар бўйича, умри охирига етганига далилдир. Агар Қуръонни баланд овозда ўқиётганини кўрса, ишлари юқорилаши ва одамлар орасида машҳур бўлишига далилдир. Агар тушида қайси оятни ўқиганини ёдида қолган бўлса, шу оят тафсири таъбир бўлади.

Исмоил Ашъас (р.а.)нинг айтишича, тушида Қуръоннинг тўртдан бирини ўқиганини кўрса, ишлари яхши бўлишига далилдир. Агар тушида Аъроф сурасидан то Марям сурасигача ўқиганини кўрса, одамлар орасида машҳур бўлишига далилдир. Агар Зумар сурасидан то Нос сурасигача ўқиганини кўрса, барча ҳожатлари юзага чиқишига далилдир. Агар уч пора Қуръонни тўлиқ ўқиганини кўрса, йил ва ойлар унга муборак бўлишига далилдир. Агар ҳафтиякни тўлиқ ўқиганини кўрса, ғам ва андуҳдан қутилишига далилдир. Агар Қуръон ўқишни билмасада, бироқ тушида Қуръон ўқиётганин кўрса, ажали яқинлашиб қолганига далилдир. Агар тушида яланғоч ҳолда Қуръон ўқиётганини кўрса, эътиқодига нуқсон етганига далилдир.

Жаъфар Содиқ (р.а.)нинг айтишича, тушда Қуръон ўқиш тўрт нарсани билдиради: офатлардан саломат бўлишини; камбағалликдан сўнг бой бўлишни; дилдаги мурод ва мақсадига етишни; огоҳлик ва парҳезгарликни буюриш.