Тушда шахар курса нима булади

ШАҲАР (ШАҲАР) Ибн Сирин (р.а.)нинг айтишича, тушида шаҳарга кирганини кўрса, дини кучли бўлишига далилдир.
Агар дин йўлида бир иши бўлса, шу иши тугалланади ва мақсадига етади, Агар шаҳардан чиққанини ёки биров уни шаҳардан чиқариб, юборганини кўрса, таъбири юқоридагининг акси бўлади. Агар биров тушида ўзини шаҳар кунгурасида ёки устида кўрса, ҳалок бўлишига далилдир.

Агар уни бир шаҳардан иккинчи шаҳарга ўтказиб юборганларини кўрса, хотинига талоқ бериши ва хотини бошқа эрга тегишига далилдир. Агар бир шаҳарга бориб, у ерда яшаб қолганини кўрса, хотини ундан жудо бўлишига далилдир. Агар мусулмонларнинг шаҳаридан ғайридинларнинг шаҳарига кўчиб ўтганини кўрса, ҳақ диндан ботил динга ўтишига ва кофир аёлга уйланиш эҳтимоли борлигига далилдир.

Агар иссиқ иқлимли шаҳарда қор ва муз борлигини кўрса, очлик ва қаҳатчилик бўлишига далилдир. Агар совуқ иқлимли шаҳарда қор ва музни кўрса, неъматларнинг фаровон ва арзон бўлишига далилдир. Агар тушида бир шаҳарга борганини ва шаҳар ўзига ёққанини кўрса, иззат ва обрў топишига далилдир. Агар қишлоқдан шаҳарга борганини кўрса, хайру манфаат топишига далилдир. Агар шаҳардан қишлоққа кетаёттанини кўрса, муроди ҳосил бўлмаслигига далилдир. Аллоҳ таъоло айтади: . . .Эй, Раббимиз, аҳолиси золим бўлган ушбу шаҳар-дан бизни чиқаргин. . . (Нисо сураси, 75-оят). Агар шаҳарда йўқолиб қолганини кўрса, таъбири яхши бўлади.

Агар аёлларнинг шаҳарга кетаётганларини кўрса, ўша, шаҳарда фитна ва бало юз беришига далилдир. Агар ясанган аёлларнинг шаҳарга кетганларини кўрса, ўша шаҳарда неъмат фаровон бўлишига далилдир. Агар аёлларнинг шаҳарга кириб кетганларини кўрса, подшоҳнинг ғуломлари у ерга бориб, ўша ер аҳлига зулм қилишларига далилдир. Агар юзини бекитган ҳолда шаҳарга кирганини кўрса, ўша шаҳарда нохуш хабарлар тарқалишига далилдир. Агар тушида шаҳарни шарқ томонда эканини кўрса, ғарб томонда бўлишидан яхширокдир.

Мағрибий (р.а.)нинг айтишича, тушида ўзини Ҳиндистон шаҳарида кўрса, ёмон бўлишига далилдир. Агар ўзини Туркистон шаҳарларида кўрса, душман устидан ғалаба қилишига далилдир. Агар ўзини Булғор ва Сақлон шаҳарларида кўрса, унга хиёнат қилишлари ва ишлари ёмон бўлишига далилдир. Агар ўзини Мовароуннаҳр шаҳарларида кўрса, иззат, обрў ва омонлик топишига далилдир. Агар ўзини Ироқ шаҳарларида кўрса, давлат ва ободлик тоиишига далилдир. Агар ўзини Хуросон шаҳарларида кўрса, ишлари осонлик билан тугашига далилдир. Агар ўзини Форс шаҳарларида кўрса иорсо одамлар билан суҳбат гутишига далилдир. Агар ўзини Кирмон шаҳарида кўрса, оиласи кўпайишига, Ҳижоз шаҳарида кўрса, Ҳаж қилишига, ўзини Яман шаҳарларида кўрса, саломат ва омон бўлишига далилдир.

Агар ўзини Миср шаҳарларида кўрса, шодмон ва хуррам бўлишига, ўзини Арман шаҳарларида кўрса, муроди ҳосил бўлишига далил бўлади. Агар ўзини Мағриб шаҳарларида кўрса, ишида нуқсон юз беради. Агар ўзини Фаранг шаҳарларида кўрса, дунёвий ишларининг яхши бўлиши, бироқ диний ишларииинг заиф бўлишига далилдир. Агар ўзини Ширвон шаҳарларида кўрса, ишлари яхши бўлишига далилдир.