Тушда корин курса нима булади

ҚОРИН (ШИКАМ) Қориннинг таъбирида таъбирчилар уч фикрдалар, қориннинг ташқариси ва ичкариси ҳам молдир. Ибн Сирин (р.а.)нинг айтишича, фарзанд бўлади. Кимнинг қорни оч қолса ва ҳилқатидан бирор нарса камайса, моли ёки боласи озаяди. Агар қорнининг бўшлиги очликдан бўлмаса. Агар оч бўлса қизиқувчан бўлиб, молга рришади.

Кирмоний (р.а.)нинг айтишича, қариндошларга далилдир.

Агар тушида қорни катта бўлиб қолганини кўрса, молнинг, фарзанднинг ёки қариндошларнинг кўпайишига далил бўлади.
Агар тушида қорнининг кичрайиб қолганини ва терисига нуқсон етганини кўрса, мол ёки фарзанд нуқсонига далил бўлади.
Тушида қорнида нимаки бўлса, ташқарига чиққанини, уларни ювганини ва қайтариб жойига солганини кўрса, ҳоли яхши бўлиши ва мақсадига етишига далилдир.

Агар эркак киши тушида қорнидан бола чиққанини кўрса, оиласининг эътибори ва улуғлигини оширадиган бир киши пайдо бўлишига далилдир.
Мағрибий (р.а.)нинг айтишича, агар киши тушида қорнининг шишиб кетганини кўрса, кўп мол топишига далилдир. Агар тушида қорнининг ёрилганини кўрса, унга мусибат етишига далилдир. Агар қорнига мўйлар ўсиб чиққанини кўрса, аёли томонидан қарз бўлишига далилдир. Агар қорнидаги мўйларнинг қирилганини кўрса, ғами кетиб, қарздан кутилишига далилдир. Агар қорнида тешик борлигини кўрса, аёл унинг молини ейишига далилдир. .
Жаъфар Содиқ (р.а.)нинг айтишича, тушдаги қорин тўрт нарсани билдиради: илм жойини; хазинани; тирикчилигининг батартиблигини; фарзандни.

Ан-нобулсий: У тушда молини, ахли оиласини ва сирини сақловчига далолат қилади. Шунингдек осмонга қараб ёткизувчи одамга ҳам, инсон азосидан чиқувчи нарсага ҳам далолат қилади. Мол давлати бор одам тушида қорнини йиртса, молидан келаётган фойда тўхтайди. Камбағал одам кўрса, оиласини эҳтиёжларига ишлатиб турган молига офат етади.