Тушда тош курса нима булади

ТОШ (САНГ) Кирмонийнинг айтишича, тушдаги тош икки нарсани билдиради: молнии ва бошлиқни. Тош қанчалик мулойим ва юмшоқ бўлса, фойдаси шунчали кўпроқ бўлади. У қанчалик қаттиқ бўлса, бунинг акси бўлади. Агар оқ тошни қўлга кирица ёки биров унга берса, табиати тоза ва очиқ юзли мансаб эгаси билан суҳбат қуришига ва ундан фойдалар топишига далилдир. Қора тошга эгалигини кўрса гина сақловчи ҳамда бадфеъл бошлиқ билан суҳбат қуришига ва ундан фойда олишига далилдир.

Агар қизил тошга эгалигини кўрса, бузуқ ва бадфеъл бошлиқ билан учрашуви ва ундан фойда олишига далилдир. Агар тоққа чиққанини, тоғда кўплаб тошларни кўрганини, тошлардан баъзиларини олганини, этагига ва уларнинг ранги қандай эканига қараётганини туш кўрса, бунинг таъбири ҳам юқоридагилар кабидир. Агар қора ва оқ тоши борлигини кўрса, мунофиқ бир одам билан суҳбатдош бўлиши, тош микдорига мувофиқ ундан фойда олишига далилдир.

Ибн Сириннинг айтишича, тушдаги тошлар ишлардаги қаттиқликдир. Агар сув остидаги тошларни йиғаётганини кўрса, молни макру ҳийла ва қийинчилик билан йиғишига далилдир.

Агар тоғдаги тошни тарошлаётганини кўрса, кўнгли қаттиқ бир одамдан макру ҳийла орқали мол ҳосил қилишига далилдир. Агар биёбон ўртасида тош йиғаётганини кўрса, сафарда макру ҳийла орқали мол йиғишига далилдир. Агар бировга тош отганини кўрса, хоҳламаган ҳолда ўз молидан бировга беришига далилдир. Агар майда тошларни уйига олиб келганини кўрса, унинг миқдорича мол топишига далилдир.

Жобир Мағрибийнинг айтишича, агар тушида бировга тош отганини кўрса, ўша кишига зинода ёки бир гуноҳда туҳмат қилишига далилдир.
Ҳазрати Содиқ (р.а.)нинг айтишича, тушдаги тош тўрт нарсани билдиради: молни; мансабни; ишлардаги қийинчиликни; касб ва машаққатни.