Тушда тозиёна курса нима булади

ТОЗИЁНА Дониёл (а.с.) айтадиларки, ҳар ким тушида чархлаб, силлиқланган тозиёнага эга эканини кўрса, ишлари унинг мақсади ва ниятига мувофиқ бўлмаслигини билдиради.

Агар тозиёнаси чархланган ва силлиқланган бўлмаса, тозиёнанинг ҳажмига мувофиқ шараф ва улуғлик топишига далилдир.
Баъзиларнинг айтишича, тушдаги тозиёна туш кўрувчининг қадреътиборига мувофиқ андаккина молни билдиради. Агар тозиёнанинг тутқичи узилиб кетганини кўрса, моли ҳамда улуғлиги барбод бўлишини билдиради.

Ибн Сирин (р.а.)нинг айтишича, ҳар ким тушида бир кишини тозиёна билан урганини кўрса, бирор ишга машғул бўлишини ва ўша кишидан унга ҳеч бир фойда етмаслигига далилдир.

Агар тозиёнани ташлаб юборганини кўрса, қўлида бўлган ишини ташлаб юборишига далилдир. Агар ўзини тозиёна билан ураётганларини ва баданидан қон оқмаётганини кўрса, нохуш сўзлар эшитишига далилдир. Агар қон оқаётганини кўрса, ҳар бир тозиёна эвазига бир дирам пул топишини билдиради.

Кирмоний (р.а.) айтадики, ўзини тозиёна билан урганларини кўрса, урган кишидан ҳаром мол топади. Агар тозиёнадан етган ярадан қон оқиб кетаётганини кўрса, мол топишини билдиради.

Агар тозиёнадан етган заҳм танда қолганини кўрса, нохуш сўз эшитишига далилдир. Агар уни тозиёна билан урсалар, у эса ким урганлигини билмаса, қўлига тасодифан мол тушишини билдиради.

Жобир Мағрибий (р.а.) айтадики, ҳар ким тушида қўлида чиройли тозиёна борлигини кўрса, яхши фарзанд туғилишига далилдир. Агар ёғочдан қилинган тозиёнани кўрса, унинг қувватига далил бўлади. Агар тозиёнанинг чармдан қилинганини кўрса, унга хайру манфаат етишига далилдир. Агар тозиёна қўлида синганини кўрса, фарзандининг ўлишига ёки ўз ишидан олинишига далилдир. Агар отга ўтирганини ва тозиёна билан ураётганини кўрса, бир одамни ўрнига иш қилиши ва бу ишдан унга миннат етишини билдиради. Агар бир одамнинг орқасига тозиёна билан урганини ва урган жойидан қон чиққанини кўрса, ўша киши ҳаром мол топишини ёки туш кўрувчи бир гуноҳ билан унга туҳмат қилишини билдиради. Агар бир киши ўз орқасида тозиёнадан етган захм борлигини кўрса, ва ким урганини билмаса, диний ва дунёвий ишлари мукаммал бўлишини билдиради. Агар бир кишига тозиёна урганини ва у пора-пора бўлиб кетганини кўрса, аҳли оиласи тарқаб кетишига далил бўлади.

Агар бир одамга ҳисобсиз тозиёна урганини кўрса, унга қайғу ғам етишига далилдир.
Исмоил Ашъас (р.а.) айтадики, бир одам тушида ўз уйида турган бўлса, қўлида тозиёнаси бўлиб, тозиёна қисқариб қолса, сўнг яна узайиб қолса, душманларга нисбатан тили узун бўлишини билдиради. Агар узун бўлса-ю қисқариб қолганини кўрса, душман унинг устидан ғалаба қилишини билдиради.
Жаъфар Содиқ (р.а.) айтадики, тушдаги тозиёна беш нарсани билдиради: қаракатни; жадал қилмоқни; мушкул ишларнинг қал бўлишини; айрилишга сабаб сафарни; улуғлик ва молу-давлатни.