Тушда аъзолар огриги курса нима булади

АъЗОЛАР ОҒРИҒИ (ДАРДИ АНДОМҲО) Ибн Сирин (р.а.)нинг айтишича, тушида аъзолари оғриётганини кўрса, гуноҳи кўп эканлигига далил бўлиб, тавба қилиши ва садақа бериши лозим.

Агар пешонаси оғриганини кўрса, динининг бузуқлиги ва ғаму андуҳга далилдир. Агар кўзи оғриганини кўрса, кимдир унга тўғри йўлни кўрсатишига далилдир. Агар елкаси оғриганини кўрса, ҳар кимдан ёмон сўзлар эшитишига далилдир. Агар бурни оғриганини ёки тилида қандайдир нуқсон борлигини кўрса, хор бўлишига сабаб бўладиган сўз айтишига далилдир. Агар бу тушни савдогар одам кўрса, тижоратда ёлғон сўзлашига далилдир. Агар тилининг кесилганини кўрса, солиҳ ва порсолигига далилдир. Агар танглайи оғригани ва шишганини кўрса, бировнинг ҳақини инкор қилишига далилдир. Агар оғзи оғриганини кўрса, яқинларидан ғам етишига далилдир. Агар бўйни оғриганини кўрса, бўйнида бировнинг омонати борлиги ва уни жойига қўймаётганига далилдир. Агар қорни оғриганини кўрса, ҳаром мол еганига далилдир.

Агар тушида бели оғриганини кўрса, ўз бошлиғидан озор топишига далилдир. Агар биқини оғриганини кўрса, ўз яқинлари сабабли дард тортиши ва ранж кўришига далилдир. Агар жигари оғриганини кўрса, фарзандига мушфиқ эканига далилдир. Агар қўли оғриганини кўрса, қўшни ака-укасига жафо қилишига далилдир. Агар бармоқ оғриғини кўрса, гиначи эканига далилдир. Агар киндиги оғриганини кўрса, аёлига озор беришига далилдир. Агар уят жойи оғриганини кўрса, бузуқ ишга киришувига далилдир. Агар орқа тешик оғриганини кўрса, ҳаром ва ярамас иш қилишига далилдир. Агар думбаси оғриганини кўрса, қариндошлари ва дўстларига жафо қилишига далилдир. Агар оёғи оғриганини кўрса, қўл остидагиларга раҳм қилмаслигига далилдир. Агар баданига доғ солаётганларини кўрса, мол топишига далилдир.

Табир - башорат эмас, барча нарсани билгувчи ягона зот Аллоҳдир.
(Қ,Ў,Ғ хариблар ўрнига К,У,Г ишлатилган бўлиши мумкин!)

28-09-2020, 16:07 1 472

Ўҳшаш маълумотлар

КЎЗ (ЧАШМ) Ибн Сирин (р.а.) айтадики, тушдаги кўз узоқни кўрувчи киши бўлиб, у орқали ҳидоят йўлини топади. Кўк кўз бидъатдир, шаҳло, кўз фарзанд бўлади. Агар тушида кўр бўлиб қолганини кўрса, тўғри йўлни йўқотишига ёки фарзандининг ўлишига...

БОШ (САР) Дониёл алайҳиссаломнинг айтишларича, тушдаги бош гуруҳ бошлиғидир. Агар тушида кесилган бошни кўрса, дўст ва раҳбар бўлишига, уни хоҳлашларига ва ундан бошқалар хайру манфаат топишига далилдир. Агар боши ҳеч захмсиз танидан жудо бўлганини...

ОЛОВ (ОТАШ) Дониёл (а.с.) айтадиларки, кимки тутунсиз олов кўрса, подшоҳга яқинлашади, юришмаган ишлари юришади. Биров уни оловга ташлаганини ва оловда ёнганини кўрса, подшоҳ унга ситам қилишига далилдир, лекин тезда озод бўлади ва башорат ҳамда...

СОЧ СОҚОЛ, ЖУН (МЎЙ) Дониёл (а.с.)нинг айтишларича, тушдаги соч эркаклар учун ғаму андуҳ, аёллар учун зийнатдир. Қайвонлар юнги озгина молни билдиради. Агар сўфий одам бошидаги сочи узун бўлиб қолганини кўрса, зийнат ва созлик топишига далилдир....

ТИЛ (ЗАБОН) Билгинки, тил туш кўрувчининг тилига далил бўлиб, яхши ва ёмон ишларни юзага чиқарувчидир. Ибн Сирин айтадики, агар киши ҳеч қандай хусумациз тилининг кесилганини ва нуқсонли бўлиб қолганини кўрса, ҳужжат кўрсатиш ва исбот пайтида тили...