Тушда шам курса нима булади

ШАМ (ШАМъ) Ибн Сирин (р.а.)нинг айтишича, тушдаги шам давлат, иззат ва неъмат бўлади. Агар тушида қўлида шам ёниб турганини кўрса, иззати, неъмати ва давлати зиёда бўлишига далилдир. Агар уйида шам ёниб турганини ва хона нурдан равшан эканини кўрса, шу йили унинг учун неъмат фаровон бўлишига далилдир.

Агар тушида бировнинг қўлидаги ёниб турган шамни тортиб олганини кўрса, бировдан иззат ва қувват олишига далилдир. Агар ёниб турган шамни кимдир ўзига берганини кўрса, бир улуғ оиладан хотин олишига далилдир. Агар тушида кумуш шамдонни кўрса, оладиган хотини насли тоза бўлишига далилдир. Агар шамдон тилладан эканини кўрса, оладиган хотини бақувват ва ботир одамлардан бўлади. Агар шамдон қўрғошиндан бўлса, ўша хотин муллалар оиласидан бўлади. Агар шамдон сополдан бўлса, оладиган хотини оддий одамлардан бўлади.

Кирмоний (р.а.)нинг айтишича, тушида ёниб турган шамнинг ўчиб қолганини кўрса, хотини ўлишига далилдир. Агар хотини бўлмаса, аҳволи ёмон бўлишини билдиради. Агар бир киши унинг қўлида турган шамни ўчириб қўйганини кўрса, бир одам унга ҳасад қилишига далилдир. Қўлида шам борлигини, бироқ у ёндирилмаганини кўрса, юқорида айтиб ўтилган нарсалардан бироз наф кўришига далилдир. Агар хотини бўлса, ўғил туғади, агар мусофир бўлса, хотин олади ёки канизак сотиб олади, агар ғойибда бўлса, сафардан қайтади. Агар ўз шаҳрида шамларнинг ёниб турганини кўрса, шаҳар подшоҳининг одил ва адолатпарвар эканига, қозиларининг инсофли бўлишига, олимларининг зоҳид бўлишига, халқнинг оромда бўлишига, шаҳарда хуррамлик кўп бўлишига далилдир. Агар тушида масжид ва мадрасаларда шамларнинг ёниб турганини кўрса, шаҳар одамлари тоат ва ибодатга машғул бўлишига далилдир.

Жаъфар Содиқ (р.а.)нинг айтишича, тушдаги шам ўн тўрт нарсага далилдир: подшоҳга; қозига; фарзандга; тўйга; мансабга, улуғликка; саройга; шодликка; илмга; бадавлатликка; айшга; канизакка; хотинга; туш кўрувчининг кўрган нарсасига.

Табир - башорат эмас, барча нарсани билгувчи ягона зот Аллоҳдир.
(Қ,Ў,Ғ хариблар ўрнига К,У,Г ишлатилган бўлиши мумкин!)

15-09-2020, 14:26 5 041

Ўҳшаш маълумотлар

ТОҒ (КЎҲ) Дониёл (а.с.)нинг айтишларича, тушида ўзини баланд тоғ устида эканини ва бу тоғ ўзининг мулки эканини кўрса, бир улуғ киши уни ўз ҳимоясига олишига далилдир. Тушида тоғни ўз жойидан қўпориб юборганини кўрса, бирулуғ одамга қаҳр қилишига...

ТУЯ (УШТУР) Ибн Сирин (р.а.) айтади: Агар киши ўзини шитоб билан юриб кетаётган нотаниш туя устида кўрса, сафарга боришига далилдир. Агар туя устида ўтирганини ва йўлини йўқотиб қўйганини кўрса, ўзи учун керакли йўлнинг қаерда эканини билмаса, ўз...

УЗУК (АНГУШТАРИЙ) Дониёл (а.с.)нинг айтишларича, нақшли чиройли узукни кўрса, узук соҳибидан унга хайрият ва яхшилик етишига далилдир. Агар бир киши унга узук бериб, узукка муҳр қилишини сўраса, нимаики унга лойиқ бўлса, ўшани топади, яъни...

ХУРМО Ибн Сирин (р.а.)нинг айтишича, тушдаги хурмо мол ва бойлик бўлади. Тушида хурмо еганини кўрса ва еювчи илм аҳлидан бўлса, илмининг зиёда бўлишига далилдир. Агар савдогар бўлса, моли зиёда бўлишига далилдир....

ЭЧКИ (БЎЗ) Ибн Сирин (р.а.)нинг айтишича, тушда эчки улуғ бир кишини билдиради. Мода эчки эса аёлни билдиради. Агар нотаниш эчкини ўлдирганини кўрса, улуғ бир кишининг ғалаба қазонишини англатади. Агар эчкининг пўстини шилиб олганини кўрса, кўп...