Тушда сигир ва бука курса нима булади

СИГИР ВА БУҚА (ГОВ) Дониёл (а.с.) айтадиларки, тушида молнинг устида ўтирганини ва мол ўзиники эканини кўрса подшоҳдан амалга эга бўлиши ва хусусан, мол қора бўлса, ундан кўп фойда кўришига далилдир. Агар сариқ буқани кўрса, беморликка далилдир. Агар буқа унинг уйига кириб келганини кўрса, Худойи таъоло унга хайрият ва ризқ эшигини очишига далилдир, бироқ қайғуси йўқ бўлмайди. Агар тушида кўпгина буқа ва ҳўкизларни кўрса, кўп ғуломлар унинг қўл остида йиғилишига ва улар бунинг иши учун саъй ҳаракатда бўлишларига далилдир. Агар буқа уни шохи билан сузиб, уйдан чиқариб юборганини кўрса, ғуломлардан унга зарар етишига далилдир. Агар молининг учта шохи борлигини ва улар молнинг бошида эканини кўрса, хар бир шох баробарида ғуломлари бир йилдан ишлаб беришларига далилдир. Агар молнинг аъзоларидан бир аъзоси ортиқча эканини кўрса, амалидан зиёдалик бўлишига далилдир, агар аъзоларида нуқсон бўлса, юқоридагининг акси бўлади.

Кирмоний (р.а.)нинг айтишича, тушдаги буқа амал бўлади, териси эса амалдорга мерос бўлади. Агар кўчасида кўпгина молларни кўрса, мартабага эришиши, ишларида баракалар ҳосил бўлишига далилдир. Агар шохи билан билан уни отиб юборганини кўрса, агар туш соҳиби амал бўлса, амалдан тушишига далилдир. Агар савдогар бўлса, зиён тортишига далилдир. Подшоҳ бўлса, юртидан айрилишига далилдир. Агар буқа шохи билан сузганини ва у йиқилганини кўрса, кимдир унинг иззат ва обрўсини тўкиб, уни амалдан тушишига ҳаракатда эканига далилдир.

Мағрибий (р.а.)нинг айтишича, тушида буқалар ичидан бир буқани сўйганларини ва таксимлаб олганларини кўрса, буқалар одатда амалдорлар бўлиб улуғ бир одамни шу кўчада ўлдиришларига далилдир. Агар тушида молни сўйиб, гўштидан еганини кўрса, мол эгасини ўлдириб, молини тортиб олишига далилдир.

Агар ўзига қарашли бўлмаган молни сўйганини кўрса, бир улуғ одам ўша мавзеда ўлишига далилдир. Агар кўпигина эркагу урғочи молларни аралаш ҳолда кириб-чиқиб юрганларини ва улар озғин эканларини кўрса, ўша йили ўша мавзе одамлари касаллик тортишларига далилдир. Агар моллар семиз бўлса, фаровонликка ва арзончиликка далилдир. Азар ҳўкизлар ерни ҳайдаб кетаётганларини кўрса, ҳисобсиз мол ҳосил қилишига далилдир.
Исмоил Анғас (р.а.)нинг айтишича, тушида мол билан жанг қилаётганини кўрса, у билан бир улуғ одам орасида жанг юз беришига далилдир.
Ибн Сирин (р.а.)нинг айтишича, тушдаги сигир йил бўлади.

Агар сигирни кўрса, ўша йили фаравонлик ва неъматлар бўлади. Агар сигир озғин бўлса, бунинг акси бўлади. Сигирнинг гўпгги мол ва ўша йил учун тўкин-сочинлик бўлади. Сигирнинг терсини неъмат захирасидир. Агар тушида сигирни соғаётганини ва сутини ичаётганини кўрса, моли зиёда бўлишига далилдир. Агар бу тушни қул кўрса озод бўлади, камбагал кўрса, бой бўлади, агар озод одам кўрса, одамлардан беҳожат бўлади, агар хор кўрса, азиз бўлади. Агар сигирнинг бўғоз эканини кўрса, умидворликка далил бўлади.

Ҳофиз Муаббир (р.а.)нинг айтишича, агар семиз молнинг гўштидан сотиб олганини кўрса, ўша йили бойвачча аёлга уйланишига далилдир. Агар сигирни соғиб, сутидан ичганини кўрса, кўп мол йиғишига, бироқ ундан ҳеч нарса ея олмаслигига далилдир. Агар сигир у билан сўзлашганини кўрса, ҳаёт унга фаровон бўлишига далилдир. Агар тушида сигир унинг олдига келганини кўрса, йил унинг учун муборак бўлишига далилдир. Агар сигир ундан юз ўгирганини кўрса, ўша йил унинг учун ёмон келишига далилдир. Агар тушида сигирга минганини ва йиқилиб тушганини кўрса, аҳволи ёмон бўлишига далилдир. Агар сигир билан жанг қилаётганини кўрса, ўша диёрда бир аёл билан жанг қилишига далилдир. Агар сигирни ўша ерда ўтлаганини кўрса, ўша йили молу неъмат топишига далилдир. Агар тушида сигир уни тишлаб олганини кўрса, хотини унга хиёнат қилишига далилдир. Агар сигир тўсатдан унинг уйига кириб келганини кўрса, тасодифан бойлик топиши ва беғам бўлишига далилдир.

Жаъфар Содиқ (р.а)нинг айтишича, тушда сигирни кўриш олти нарсага далилдир: ҳукмдорликка; бойликка; улуғликка; раёсатга; яхшиликка; яхши йўлга.